Koi hussain sa sajda
Noha Lyrics & Urdu Writeup on Imam Hussain (a.s) recited by Hasan Sadiq
کوئی حُسین سا سجدہ بھلا ادا تو کرے
کہ رشک جس پہ صدا خاکِ کربلا تو کرے
کوئی حُسین سا سجدہ۔۔۔
شہید کون سا گُزرا ہے پورے عالم میں
سِناں کی نوک پہ جو ذکرِ لا اِلٰہ تو کرے
کوئی حُسین سا سجدہ۔۔۔
لبِ فرا،ت وہ بازو کٹا کے سویا ہے
عباس جیسی جہاں میں کوئی وفا تو کرے
کوئی حُسین سا سجدہ۔۔۔
علم کے نیچے جو مانگو قبول ہوتی ہے
خلوصِ دل سے کوئی شخص گر دُعا تو کرے
کوئی حُسین سا سجدہ۔۔۔
میں بابا آپ کا بیٹا ہوں گو کہ اصغر ہوں
کہو لعین سے ستم کی وہ انتہا تو کرے
کوئی حُسین سا سجدہ۔۔۔
کہاں سے لائو گے ایسا جگر جو دیں کے لیئے
عصر سے پہلے بہتر کو جو جُدا تو کرے
کوئی حُسین سا سجدہ۔۔۔
کیا حُسین نے جیسے ہے صبر کربل میں
امیر صبر پہ یوں کوئی اکتفا تو کرے
کوئی حُسین سا سجدہ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.