Jao ke na ab dayr

قافلہ لُٹ گیا اماں میرا لشکر نہ رہا اماں نانا کی نشانی علی اکبر نہ رہا رہ گیا دردِ کمر ہائے برادر نہ رہا اب خبر آپ نے لی گھر کی کہ جب گھر نہ رہا اب دمِ زبح یہ پورے میرے ارماں کرنا عرش کے نیچے نہ بالوں کو پریشاں کرنا

جائو کہ نہ اب دیرکرو دیکھو نہ اماں اب لال تیرا زین پہ ہے اور نہ زمیں پر

آپ آئی ہیں اماں میں سلامی کو نہ اُٹھا ہے درد کلیجے میں جو اُٹھنے نہیں دیتا حسرت تھی تیرے پہلو میں دم میرا نکلتا میں چین سے سوجاتا تیری گود میں مادر کے اب لال تیرا زین پہ۔۔۔

کچھ دیر میں نیزے پہ رکھا ہوگا میرا سر نہ دیکھنا اُس وقت مجھے مادرِ مضطر چل جائے گا اُس وقت تیرے قلب پہ خنجر گھوڑے ابھی دوڑیں گے میری لاش کہ اُپر کے اب لال تیرا زین پہ۔۔۔

میں صبح سے تاعصر اُٹھاتارہا لاشے دامن میں چُنے قاسمِ نو شاہ کے ٹکڑے لپٹا علی اکبر کا کلیجہ تھا سناں سے اماں میرے چہرے پہ ہے خونِ علی اصغر کے اب لال تیرا زین پہ۔۔۔

کس حال میںاماں ہے تیری گود کا پالا مقتل میں میرا کھوگیا ہر ایک اُجالا ہے کون سکینہ کو میری پوچھنے والا سوئے گی میرے سینے پہ کیسے میری دختر کے اب لال تیرا زین پہ۔۔۔

دیکھو تو قیامت ہے بپا اہلِ حرم میں خیمے سے نکل آئی ہے زینب میرے غم میں اب آنے کو ہیں بیبیاں باہر کوئی دم میں سمجھائو اُنہیں اماں رہیں خیمے کے اندر کے اب لال تیرا زین پہ۔۔۔

لو سانس اُکھڑنے لگی دل ڈوب رہا ہے نظروں میں میری زینبِ مضطر کی ردا ہے عابد سے تھی اُمید سو وہ اب غش میں پڑا ہے کیا ہوگا میرے بعد سکینہ کا مقدر کے اب لال تیرا زین پہ۔۔۔

اے سرور و ریحان بیاں کیسے ہو منظر شہہ کہتے تھے اماں یہ کڑا وقت ہے مجھ پر کس طرح کلیجے سے لگوں آپ کے اُٹھ کر چوموں گا قدم آپ کے اب میں لبِ کوثر کے اب لال تیرا زین پہ۔۔۔