Hussain yaad aaye
Noha Lyrics & Urdu Writeup on Imam Hussain (a.s) recited by Mir Sajjad Mir
اُٹھا جو کوئی جنازہ حسین یاد آۓ
جو دیکھا کوئی بھی پیاسا حسین یاد آۓ
چھری چلانے سے پہلے کسی ذبیحے پر
جب اس کو پانی پلایا حسین یاد آۓ
اُٹھا جو کوئی جنازہ۔۔۔
وہ جس کا کوئی بھی وارث نہیں تھا دنیا میں
کفن جب اس نے بھی پایا حسین یاد آۓ
اُٹھا جو کوئی جنازہ۔۔۔
کسی یتیمہ کو میت سے اس کے بابا کی
جو پیار کرکے ہٹایا حسین یاد آۓ
اُٹھا جو کوئی جنازہ۔۔۔
نظر میں پھر گیا کڑیل جوان کا لاشہ
کسی نے باندھا جو سہرا حسین یاد آۓ
اُٹھا جو کوئی جنازہ۔۔۔
جوان بھائی کے لاشے کو ایک بھائی نے
جو رو کے سینے لگایا حسین یاد آۓ
اُٹھا جو کوئی جنازہ۔۔۔
خوشی کہاں ہوئی صغریٰ کا درد اور بڑھا
جو چاند عید کا دیکھا حسین یاد آۓ
اُٹھا جو کوئی جنازہ۔۔۔
پکڑ کے باپ کا دامن کسی بھی بچی نے
نا جائیں بابا جو بولا حسین یاد آۓ
اُٹھا جو کوئی جنازہ۔۔۔
میرا پسر ہوا جس روز چھہ مہینے کا
بتاؤں کیسے میں کتنا حسین یاد آۓ
اُٹھا جو کوئی جنازہ۔۔۔
لپٹ لپٹ گئی تربت سے ثانی زہرا
بنی جو قبرِ سکینہ حسین یاد آۓ
اُٹھا جو کوئی جنازہ۔۔۔
ہمیشہ کرب و بلا کے سفر پہ اے سجاد
گلے جو ماں نے لگایا حسین یاد آۓ
اُٹھا جو کوئی جنازہ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.