Zindan may muqayyad

زنداں میں مقید ہوے جس دم‌ حرم شاہ انبوہوے خالق ہوا دروازے پہ ناگاہ بلوہ ہوا اس درجہ کہ مسدود ہوی راہ سر شرم سے زنجیر پہ عابد نے رکھا آہ تھا وہ عرق شرم اسیروں کے نہ تن میں روتا تھا ہر ایک عضو غمِ شاہ زمن میں

مشغول جو تھے کھیل میں اطفال وہ سارے کرتی تھی سکینہ وہاں حسرت سے نظارے کہتی تھی کہ کیا ہو گےء ہمجولی ہمارے بابا علی اصغر کو کہاں لے کے سدھارے سب بچے یہاں کھیلتے ہیں خندہ زناں ہے میں کھیلتی تھی جس سے وہ اطفال کہاں ہے

ناگاہ نمودار ہوی شام غریباں آیا غضب آلود وہاں شمر بد ایمان اک اک سے مخاطب ہوا وہ دشمن یزداں اب جاؤ کہ ہوتا ہے مخالف در زنداں ہوے گی رہائی نہ کبھی آل عبا کی کل دیکھیو پھر سیر اسیرانِ بلا کی

یہ سن کے پریشان ہوا انبوہ وہ سارا گم ہو گیا اک شخص کا فرزند خضارا چلایا پدر اس کا رہا دل پہ نہ یارا فرزند بھی بابا اسے کہہ کہہ کے پکارا وہ طفل لپٹنے جو لگا آ کے پدر سے پیدا ہوی اک آہ سکینہ کہ جگر سے

بھر بھر کے دم سرد یہ کے بانو سے گفتار اس بچے کو دیکھو کو کہ کیا خوش ہے یہ دلدار کیا نام پدر پیار سے لیتا ہے یہ ہر بار اک ہم ہے کہ ہے باپ کی فرقت میں گرفتار دل میں جو میرے درد ہے خالق پہ عیاں ہے میں کس کو کہوں باپ میرا باپ کہاں ہے

بابا میرے ہوتے تو انہیں کہتی میں بابا اب باپ کہاں جس کو کہوں باپ میں دکھیا یوں کوئی پدر بیٹی سے غافل نہیں ہوتا حیران ہوں بابا کہ وہ اشفاق ہوے کیا اعدا نے ہمیں قید کیا شام میں لا کر بابا میرے کیوں کر مجھکو نہیں ڈھونڈتے آ کر

یہ کہہ کے سکینہ پہ جو رقت ہوی طاری بس ہاے پدر کہہ کے کیء بار پکاری تڑپی جو زمیں پر تو زمیں ہل گیء ساری جھنجھلا کہ کہا شمر نے پھر کرتی ہو زاری اب خوب رلاؤں گا تجھے میں نہ ڈروں گی رہ تجھکو اسیروں سے جدا قید کروں گی

پھر شمر نے بازوے سکینہ کو جو پکڑا کنبے کی طرف اس نے عجب یاس سے دیکھا سب قیدیوں میں ایک قیامت ہوی برپا سجاد کے قدموں پر مچل کر گری دکھیا یوں لپٹی تھی بھای سے وہ اس خوف و خطر سے اک ہاتھ تو گردن میں تھا اک ہاتھ کمر میں

منہ دیکھ کے سجاد کا کہتی تھی وہ ڈر کر اب آپ میرے رونے کے ضامن ہو برادر گر تم سے چھٹی زیست میری ہوے گی کیوں کر اب روؤں تو جو چاہے کرے شمر ستمگر بھیا مجھے تو شمر سے اس وقت بچالے اب روؤں تو کر دیجیو ظالم کے حوالے

اب روی سو میں روی نہ پھر روؤں گی زنہار اب روؤں اگر باپ کو اپنے تو گنہگار فرماؤ کہ اب چھوڑ دے مجھکو یہ جفا کار بازو میرا دکھنے لگا اے عابد بیمار کس طرح جدا کنبے سے ہوے گی سکینہ تم کہہ دو قسم کھا کے نہ روے گی سکینہ

یہ کہتی تھی کھینچا جو ستمگر نے خضارا کرتہ تو پھٹا تھا وہ پھٹا اور بھی سارا تب عابد بیمار نے روکر یہ پکارا اے شمر یہ بن باپ کی بچی ہے خدارا غافل تیری دہشت سے نہ ہوے گی سکینہ اب ایسا ڈری ہے کہ نہ روے گی سکینہ