Ghareebe zehra ka

کیا ہے پامال اسکو رن میں ہیں زخم ہی زخم اس بدن میں نہیں ہے کوئی اُٹھانے والا بہت اکیلا ہے اِس وطن میں اِدھر کی سب پسلیاں اُدھر ہیں اُدھر کی سب پسلیاں اِدھر ہیں

جو گرم ریتی پہ بے کفن ہے غریب زہرا کا یہ بدن ہے

یہ وہ بدن ہے کہ جسکا سینہ ہاں چومتے تھے شہ مدینہ بھرا ہے تیروں سے ہائے غربت کہاں پہ سوئیگی اب سکینہ یہی وہ سینہ ہے جس پہ چڑھکر لعیں نے کاٹا حسین کا سر جو گرم ریتی پہ۔۔۔ غریب زہرا کا۔۔۔

ہوئی تھی وہ جنکی کی نال بندی تھے عام گھوڑوں سے اور وزنی جو گھوڑے دوڑے تھے اس بدن پر کچلنا اُنکی خصوصیت تھی نہ جانے کس طرح ماں نے دیکھا سموں کے نیچے غریب بیٹا جو گرم ریتی پہ۔۔۔ غریب زہرا کا۔۔۔

لعیں وہ بجدل تھا نام جسکا سرہانے جب اس بدن کے پہنچا انگوٹھی کس طرح لوٹتا وہ تھا زخمی ہاتھوں میں ورم اتنا نہ اُتری ظالم سے جب انگوٹھی تو کاٹ کر لے گیا وہ انگلی جو گرم ریتی پہ۔۔۔ غریب زہرا کا۔۔۔

اکیلا لاکھوں سے زخم کھاکر یہ سوگیا جب ستم اُٹھاکر اندھیرے بن میں اسی بدن سے بہن نے پتھر ھٹائے آکر نہ جانے زینب نے کیسا دیکھا غریب بھائی کا زخمی لاشہ جو گرم ریتی پہ۔۔۔ غریب زہرا کا۔۔۔

سروں کو نیزوں پہ جب چڑھایا سر ایک چھوٹا سا مل نہ پایا لعیں نے نیزہ زمیں پہ مارا تو لاشہ اصغر کا ساتھ آیا پدر کے زخمی بدن پہ رکھ کر چلایا ننھے گلے پہ خنجر جو گرم ریتی پہ۔۔۔ غریب زہرا کا۔۔۔

پدر کے سینے پہ سونے والی جب اس بدن کے قریب پہنچی یہ آکے شمرِ لعیں نے دیکھا پدر سے لپٹی ہوئی تھی بیٹی پکڑکے بالوں سے جب چھڑایا بدن زمیں پر تڑپ رہا تھا جو گرم ریتی پہ۔۔۔ غریب زہرا کا۔۔۔

کہیں پہ تلوار کے نشاں ہیں کہیں پہ نیزے ہیں برچھیاں ہیں لہو بھی زخموں سے رس رہا ہے غریب کی زخمی ایڑیاں ہیں بدن ہے یہ چاک چاک ہائے بھری ہے زخموں میں خاک ہائے جو گرم ریتی پہ۔۔۔ غریب زہرا کا۔۔۔

حسین کی جب لحد پہ جانا رضا و ذیشان یاد رکھنا بچھی ہے تربت میں اک چٹائی یہ دل کی آنکھوں سے دیکھ لینا وہیں یہ زخمی بدن رکھا ہے صغیر سینے پہ سو رہا ہے جو گرم ریتی پہ۔۔۔ غریب زہرا کا۔۔۔