Bain karti thi ye
Noha Lyrics & Urdu Writeup on Imam Hussain (a.s) recited by Alamdar Razvi
بین کرتی تھی یہ زہرا میرے مظلوم حسین
کس نے پیاسا تجھے مارا میرے مظلوم حسین
نہ تو اکبر ہے نہ اصغر ہے نہ زینب کے پسر
کٹ گیا سب تیرا کنبہ میرے مظلوم حسین
بین کرتی تھی یہ زہرا۔۔۔
خاک سے اٹھ کے لگو اماں کی چھاتی سے زرا
غم سے جلتا ہے کلیجہ میرے مظلوم حسین
بین کرتی تھی یہ زہرا۔۔۔
اپنے پشتوں کو تو اعدا نے دیا گور و کفن
تیری میت کو نہ گاڑا میرے مظلوم حسین
بین کرتی تھی یہ زہرا۔۔۔
دیر سے لاش پہ کھاتی ہوں پچھاڑے واری
اٹھ کے دو ماں کو دلاسہ میرے مظلوم حسین
بین کرتی تھی یہ زہرا۔۔۔
بہہ رہا ہے رگ گردن سے لہو ریتی پر
ہے یہ بے سر تیرا لاشہ میرے مظلوم حسین
بین کرتی تھی یہ زہرا۔۔۔
ٹکڑے ٹکڑے ہو بدن ظلم کی تلواروں سے
اس لیےء کیا تجھے پالا میرے مظلوم حسین
بین کرتی تھی یہ زہرا۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.