Ahsantum ya husain

نیزے پہ گےء جب شاہ امم سر پیٹ رہے تھے اہل حرم سادات میں اک بیزاری تھی کہرام تھا اور غم خواری تھی جب شاہ نے یہ منظر دیکھا سر پیٹ رہے ہیں آل عبا شبیر نے پڑھ کے بسم اللّٰہ بر نوکِ سِناں قرآن پڑھا

کچھ دیر میں پھر منظر بدلہ کم ہونے لگی ماتم کی صدا خوش رنگ فضائیں چھانے لگی احسن کی صداییں آنے لگی پہنچی جو فلک تک شہ کی صدا اللّٰہ نے بھی خوش ہو کے کہا احسنتم یا حسین احسنتم یا حسین

ارواح میں جو وعدہ تھا کیا وہ تم نے نبھایا ہے اسلام کی خاطر جنگل میں گھر اپنا لٹایا ہے راضی ہوں میں تجھ سے میرے ولی اے ابنِ بتول اے ابنِ علی کرتا ہوں میں تیرا شکر ادا احسنتم یا حسین۔۔۔

سن کر یہ سخن اللّٰہ کے کہتے تھے یہ رسول اللّہ قربان میں تجھ پر سو جان سے واہ میرے حسینا واہ بچپن میں اے میرے لخت جگر وعدہ جو کیا تھا اے دلبر وہ تم نے کیا ہے آج وفا احسنتم یا حسین۔۔۔

نیزے کی اَنی پر آ کر بھی قرآن سنایا ہے ہم جیت گےء سر دے کر بھی دنیا کو بتایا ہے دیکھی جو شجاعت بیٹے کی اور سن کے تلاوت بیٹے کی حیدر کی نجف سے آی صدا احسنتم یا حسین۔۔۔

زہرا نے کہا اے لال تجھے تنہا نہ کروں گی میں جاے گا اگر تو شام تلک تو ساتھ چلوں گی میں ہے ناز بہت تجھ پر بیٹا جو شیر پلایا تھا اس کا کیا خوب کیا ہے فرض ادا احسنتم یا حسین۔۔۔

کیا خوب فریضہ اے بھای انجام دیا تم‌ نے جو کام نہ کوئی کر پاتا وہ کام کیا تم نے شبیر سے کہتے تھے یہ حسن بس اب نہ کرو تم رنج و محن ہے ذات تمہاری فخر خدا احسنتم یا حسین۔۔۔

عباس دلاور عون و محمد قاسم و اکبر ہے نیزوں پہ سر شبیر کے سنگ شہدا کے کٹے سر ہیں آنکھوں سے رواں ہے اشک مگر ہے سارے شہیدوں کے لب پر ہم آپ پہ ہو ہر بار فدا احسنتم یا حسین۔۔۔

کہتی تھی زمین کربوبلا گمنام زمیں تھی میں لگتا تھا کمیل و عامر دنیا پہ نہیں تھی میں پہچان دلای سرور نے کیا شان بڑھای سرور نے تا حشر یہی ہے میری صدا احسنتم یا حسین۔۔۔