Abbas mar gaye
Noha Lyrics & Urdu Writeup on Imam Hussain (a.s) recited by Raza Abbas Zaidi
ہاے حسیں ہاے حسیں
ہاے تنہائی میری ہاے تنہائی میری
عباس مر گئے علی اکبر جدا ہوا
ہم سے کسی نے یہ بھی نہ پوچھا کے کیا ہوا
وا حسرتا کے ٹوٹ گئی ہے مری کمر
وا غربتا اب آنکھوں سے آتا نہیں نظر
جینے کا اب جواز ہمارے نہیں رہا
عباس مر گئے۔۔۔
ہم سے کسی نے۔۔۔
خالی علم اٹھا کے میں خیمے میں لے گیا
لایا ہوں تنہا لاشہِ ہمشکلِ مصطفیٰ
غربت پہ میری ہنستا ہے لشکر یزید کا
عباس مر گئے۔۔۔
ہم سے کسی نے۔۔۔
غازی کے ٹکڑے دیکھ کے ٹکڑے ہوا جگر
داڑھی سفید ہوگئی اکبر کی لاش پر
اک دو پہر میں ہم پہ ستم کیسا ہوگیا
عباس مر گئے۔۔۔
ہم سے کسی نے۔۔۔
کہتے ہیں اب بلائیے امداد کے لئے
بولو حسین اکبر و غازی کہاں گئے
دیتے ہیں طعنے پرسے کے بدلے یہ اشقیا
عباس مر گئے۔۔۔
ہم سے کسی نے۔۔۔
سوچا تھا مجھ سے آ کے کہیں گے یہ کلمہ گو
دونوں کا پرسہ دینے ہم آئیں ہیں آپ کو
حسرت یہ لے کےقبر میں مظلوم جائے گا
عباس مر گئے۔۔۔
ہم سے کسی نے۔۔۔
مر جائے گر کسی کا کوئی بھائی یا پسر
اُس کو دلاسے دیتے ہیں سب لوگ موت پر
ہائے مگر ہماری غریبی کی انتہا
عباس مر گئے۔۔۔
ہم سے کسی نے۔۔۔
چاروں طرف ہے تیروں کی بوچھار دیکھ لو
ہم پر سبھی اٹھائے ہیں تلوار دیکھ لو
زینب بتاؤ اب کہاں جاکر کریں گِلا
عباس مر گئے۔۔۔
ہم سے کسی نے۔۔۔
خنجر تلے بھی شہہ کو تکلم یہی تھا غم
کتنے غریب ہوگئے کرب و بلا میں ہم
خنجر رواں تھا پڑھتے تھے مولا یہ مرثیہ
عباس مر گئے۔۔۔
ہم سے کسی نے۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.