Jab khatema ba qair

جب خاتمہ بخیر ہوا فوج شام کا کوثر پہ قافلہ گیا پیاسی سپاہ کا گھر لٹ گیا جناب رسالت پناہ کا خاک اڑ رہی تھی حال یہ تھا بارگاہ کا بھائی تھے نہ رفیق نہ وہ نور عین تھے دو بہنیں رونے والی تھیں اور اک حسین تھے

فرماتے تھے واہ یہ تاخیر ہے اجل اکبر کے بعد زیست کا تھا کونسا محل اب مجھکو اک برس کے برابر ہے ایک پل موت آے اب یہ ہے شجر زندگی کا پھل اک جا چھری گلے پہ جو چلتی تو خوب تھا یہ جان انکے ساتھ نکلتی تو خوب تھا

ہم سب کے بعد خلق سے جانے کو رہ گئے سر پیٹنے کو آشک بہانے کو رہ گئے اس نوجواں کا داغ اٹھانے کو رہ گئے پیری میں آہ ٹھوکریں کھانے کو رہ گئے بیٹا کہاں خبر جو دم انتقال لے اتنا نہیں کوئی کہ گروں تو سنبھال لے

ناگاہ سوے لاش پسر جا پڑی نظر چلاے دل کو تھام کے سلطان بحروبر سوتے ہو کیا دھرے ہوئے رخسار خاک پر اکبر اٹھو کہ گھوڑے سے گرتا ہے اب پدر بھولے پدر کو نیند میں قربان آپ کے آؤ نماز عصر پڑھو ساتھ باپ کے

عباس نامدار ترای سے اٹھ کے آؤ پھٹتا ہے قلب جل رہے ہیں اب جگر کے گھاؤ چھڑکو میری زرہ پہ جو پانی کہیں سے پاؤ چلتے ہوئے ادم کے مسافر سے ملتے جاؤ غفلت کی تم کو نیند ہے شبیر کیا کرے میری طرح کسی کو نہ بیکس خدا کرے

چلاے فوج کے پسر سعد نابکار لو گھیر لو حسین کو سب مل کے ایک بار پلٹے پڑے سواروں کے لے کر رسالہ دار دو غول باندھے آے کماں دار دس ہزار تیر افغنوں میں تیغوں میں بھالوں میں گھر گئے بیکس حسین برچیوں والوں میں گھر گئے

سید کے مرتبے کو نہ جانا ہزار حیف تیروں سے صدرِ پاک کو چھانا ہزار حیف شانے تھے ناوکوں کا نشانہ ہزار حیف مظلوم کا وہ برچیاں کھانا ہزار حیف ٹوٹے تھے سب رسول کے پیارے حسین پر کیا وقت پڑ گیا تھا تمہارے حسین پر

گرتے ہیں آپ اور سنبھالے کوئی نہیں سینے سے کون تیر نکالے کوئی نہیں سب مر چکے ہیں چاہنے والے کوئی نہیں بے جاں پڑے ہیں گود کے پالے کوئی نہیں بے دس پڑے ہیں آپ زور سپاہ عدو کا ہے منہ جس کا دیکھتا ہوں وہ پیاسہ لہو کا ہے

فضہ نے جاکے خیموں میں بیوءں کو دی خبر ہاے ہاے میرے خزادے کا کٹتا ہے تن سے سر بستر سے اٹھ کے گر پڑے سجاد نوحہ گر خیمے سے نکلی بیبیاں بچوں کو چھوڑ کر ہلتا تھا عرش حضرت زینب کے بین سے گر گر کے دوڑتی تھی کہ ملوں حسین سے

چلاتی تھی ارے میرا بھائی ہے کس طرف لوٹی ہوئی علی کی کمائی ہے کس طرف دریا کدھر ہے خوں کا ترای ہے کس طرف سونے کی جا حسین نے پای ہے کس طرف رستہ دے اے زمیں کہ فلک کی ستای ہوں میں اپنے پیارے بھائی سے ملنے کو آی ہوں

میں سیدہ ہوں رحم کرو لاش کو بتاؤ اے اہلِ قریہ بنت علی کی مدد کو آؤ دنیا میں خوش تم رہو عقبہ میں چین پاؤ سید کدھر ہے خون میں غلطاں بتاتے جاؤ یاں لٹ گےء فلک نے یہ دکھ ہم پہ ڈالے ہیں اے بھاءییوں مدینے کے ہم رہنے والے ہیں

شہ کے کراہنے کی جو آنے لگی صدا دوڑی ادھر نبی کی نواسی بہ رہنہ پا دیکھا بہن نے کٹتے ہوئے بھای کا گلا آنکھوں پہ ہاتھ رکھ کے گری بنت مرتظی غم سے کلیجہ پھٹ گیا زہرا کی جای کا اٹھی تو دیکھا نیزے پہ سر اپنے بھائی کا