Mere maula aao
Noha Lyrics & Urdu Writeup on Imam Mehdi (a.s) recited by Mir Hasan Mir
میرے مولا آو کہ مدت ہوئی ہے
ستم ظالموں کے اُٹھاتے اُٹھاتے
تیرے دشمنوں کی گزرتی ہے مولا
تیرے دوستوں کو ستاتے ستاتے
گزرتی ہے جیسے گزاریں گے مولا
نہ ہاری ہے ہمت نہ ہاریں گے مولا
ستم تھک گیا ہے ہوئے کُند خنجر
لہو مومنوں کا بہاتے بہاتے
میرے مولا آو۔۔۔
کہیں نوحہ ماتم کہیں آہ و زاری
سفر کربلا کا مسلسل ہے جاری
جھکے جا رہے ہیں ضعیفوں کے کاندھے
جوانوں کی لاشیں اُٹھاتے اُٹھاتے
میرے مولا آو۔۔۔
لعینوں نے ہم پر مظالم وہ ڈھائے
جواں سال لاشوں پہ لاشے اُٹھائے
چلے ہیں شہادت کا سہرا سجائے
وہ شادی کا سہرا سجاتے سجاتے
میرے مولا آو۔۔۔
جو بہنیں ہیں زندہ تو بھائی نہیں ہیں
ہیں ماں باپ باقی تو بیٹے نہیں ہیں
جو بیٹے ہیں باقی تو سایہ نہیں ہے
جگر کانپتا ہے بتاتے بتاتے
میرے مولا آو۔۔۔
گھروں سے چلے تھے جو پُرسے کی خاطر
وہ مارے گئے راستوں میں مسافر
کبھی جاتے جاتے جلوسِ عزا میں
کبھی مشہد و کربلا جاتے جاتے
میرے مولا آو۔۔۔
تھی صغریٰ کے لب پر صدا یہ دوہائی
چلے آؤ بابا چلے آؤ بھائی
اٹکتی ہیں سینے میں اب میری سانسیں
تمہیں دیر ہو جائے نہ آتے آتے
میرے مولا آئو۔۔۔
زباں سے جو کی بات اُس نے نبھا لی
پیا ٹھنڈا پانی نہ سائے میں آئی
زمانے سے اُٹھی ہے اصغر کی مادر
خیالوں میں جھولا جھولاتے جھولاتے
میرے مولا آئو۔۔۔
خُدا جانتا ہے وہ کیسا تھا منظر
کلیجے پہ عابد کے چلتے تھے خنجر
جوانی ضعیفی کے در پر کھڑی تھی
سکینہ کی تُربت بناتے بناتے
میرے مولا آئو۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.