Kab shamma jalane
Noha Lyrics & Urdu Writeup on Imam Mehdi (a.s) recited by Mir Hasan Mir
اے منتقم کب آو گے
اے منتظر کب آو گے
زہرا کی اندھیری تربت پہ
کب شمع جلانے آو گے
ٹوٹی ہوئی قبروں کو مولا
کس روز بنانے آو گے
اے منتقم کب آو گے۔۔۔
زہرا کی اندھیری۔۔۔
بے شیر کی ننھی میت کو تربت سے نکالا تھا جس نے
کب اُس کے لاشے کو مولا
نیزے پہ اُٹھانے آو گے
اے منتقم کب آو گے۔۔۔
زہرا کی اندھیری۔۔۔
ہے چار برس کی اک زہرا زندان میں صدیوں سے قیدی
کب بیت الحُزن سے تم اُس کو آزاد کرانے آو گے
اے منتقم کب آو گے۔۔۔
زہرا کی اندھیری۔۔۔
ڈھایا گیا روضہ دادی کا
دیکھا ہے اُجڑتا سامرہ
جو داغ ملے ہیں غیبت میں کب اُن کو دکھانے آو گے
اے منتقم کب آو گے۔۔۔
زہرا کی اندھیری۔۔۔
وہ شام اور کوفہ کے رستے
وہ ناقوں سے گرتے بچے
ہے کون کہاں پر دفن ہوا
کب نام بتانے آو گے
اے منتقم کب آو گے۔۔۔
زہرا کی اندھیری۔۔۔
معصومہ قم اور مولا رضا
ہم شکلِ پیمبر اور صغرا
یہ بھائی بہن ہیں بچھڑے ہوئے کب اُن کو ملانے آو گے
اے منتقم کب آو گے۔۔۔
زہرا کی اندھیری۔۔۔
بیٹوں کے جنازوں پر اکبر
اکبر کے لئے جو روتی ہے
کب اُجڑی ہوئی اُن ماوں کو انصاف دلانے آو گے
اے منتقم کب آو گے۔۔۔
زہرا کی اندھیری۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.