Hussain jab ke chale

حسین جب کہ چلے بعد دو پہر رن کو نہ تھا کوئی جو تھامے رکاب توسن کو سکینہ جھاڑ رہی تھی عبا کے دامن کو حسین چپکے کھڑے تھے جھکائے گردن کو نہ آسرا تھا کوی شاہ کربلائی کو فقط بہن نے کیا تھا سوار بھای کو

در قیام پہ أہل حرم بلکتے تھے زمیں پہ عابد بیمار سر پٹکتے تھے بہن جو روتی تھی مڑ مڑ کے شاہ تکتے تھے زبان خشک تھی کچھ بات کر نہ سکتے تھے پکارتے تھے حرم شاہ نامدار چلے حسین مرنے چلے اور ہمکو مار چلے

کوی پکارتی تھی رو رو کے یا علی فریاد تمہارے بیٹیاں جنگل میں ہوتی ہے برباد کوئی ملول کوئی نوحہ گر کوئی ناشاد کہیں زمین پہ باقر تھا اور کہیں سجاد فلک پہ گل تھا کہ روح بتول روتی ہے سکینہ چار برس کی یتیم ہوتی ہے

یہ فکر کر کے لگے رونے سید ابرار تب آی کان میں آواز احمد مختار حسین تیری غریبی پہ یہ رسول نثار اگرچہ چل نہیں سکتا یہ پیاس سے رہوار پیادہ پا طرف قتل گاہ جاؤ تم ہماری امت عاصی کو بخشواو تم

حسین خوب سا روے نبی کا سن کے کلام کہا نہ کیجیےء تشویش یا رسول انام تمہاری امت عاصی پہ صدقے ہو یہ غلام یہ کہکے گھوڑے سے کہنے لگے با عظم تمام زیادہ مجھ سے تجھے اپنی جان پیاری ہے اٹھا قدم کے میری آخری سواری ہے