Dunya se safar
Noha Lyrics & Urdu Writeup on Imam Naqi (a.s) recited by Shajar Naqvi
دنیا سے سفر جانب عقبہ ہے نقی کا
غمگین ہر ایک چاہنے والا ہے نقی کا
پردیس میں موت آی ہے زہرا کے پسر کو
شبیر کا غم سوگ مناتا ہے نقی کا
دنیا سے سفر۔۔۔
عباس علمدار مدد کرنے کو آؤ
دم عالم غربت میں نکلتا ہے نقی کا
دنیا سے سفر۔۔۔
نیلا ہے بدن زہر ہلاہل سے صد افسوس
رہ رہ کے دہن خون اگلتا ہے نقی کا
دنیا سے سفر۔۔۔
یوں سامرہ آ جاے نہ یثرب سے پیمبر
غربت میں مصیبت میں سراپا ہے نقی کا
دنیا سے سفر۔۔۔
سارے ہی امام آہ تڑپتے ہیں بصد غم
تنہائی کا عالم ہے جنازہ ہے نقی کا
دنیا سے سفر۔۔۔
مرقد میں نہیں چین تقی کو کوئی لمحہ
چین آے بھی کیوں حال ہی ایسا ہے نقی کا
دنیا سے سفر۔۔۔
اولاد کا غم ماں سے ذیادہ کسے ہوگا
زہرا سے کوئی پوچھے تو غم کیا ہے نقی کا
دنیا سے سفر۔۔۔
اس طرح عظیم آپ نے لکھی ہے یہ روداد
الفاظ بھی کہتے ہیں یہ نوحہ ہے نقی کا
دنیا سے سفر۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.