Sajjad rota hai
Noha Lyrics & Urdu Writeup on Imam Sajjad (a.s) recited by Mir Bober Ali
سرِ بازار زینب کا گزر سجاد روتا ہے
پھٹا جاتا ہے صدمے سے جگر سجاد روتا ہے
ستمگر لے گئے جب شام اور کوفے کی گلیوں سے
اسیروں پر رہی سب کی نظر سجاد روتا ہے
سرِ بازار زینب۔۔۔
وہ شدت دھوپ کی جلتی زمیں اور پائوں میں چھالے
ستم ہے بے کسوں پر اس قدر سجاد روتا ہے
سرِ بازار زینب۔۔۔
کبھی سورج نے دیکھا ہی نہیں تھا جس کے چہرے کو
وہ شہزادی کا بے پردہ سفر سجاد روتا ہے
سرِ بازار زینب۔۔۔
سکینہ کہتی تھی بھیا گھُٹا جاتا ہے دم میرا
تڑپتی ہے وہ غم سے بے پدر سجاد روتا ہے
سرِ بازار زینب۔۔۔
رسن بستہ پھوپھی ہے اور گلا میرا ہے رسی میں
کوئی آ کر ہماری لے خبر سجاد روتا ہے
سرِ بازار زینب۔۔۔
کسی صورت نہ ٹکتا تھا سرِ عباس نیزے پر
یہی حالت تھی بس شام و سحر سجاد روتا ہے
سرِ بازار زینب۔۔۔
غضب ہے سات سو کُرسی نشیں دربار ظالم کا
کے جس میں آلِ احمد ننگے سر سجاد روتا ہے
سرِ بازار زینب۔۔۔
بابر جب مجلسِ شبیر ہوتی ہے کسی گھر میں
کوئی روئے یا نہ روئے مگر سجاد روتا ہے
سرِ بازار زینب۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.