Dunya se ab safar hai
Noha Lyrics & Urdu Writeup on Imam Sajjad (a.s) recited by Others
دنیا سے اب سفر ہے بیمار کربلا کا
بدلہ ہوا ہے عالم گلزار کربلا کا
یثرب کی زندگی بھی زنداں سے کم نہیں تھی
معبود آنسوؤں سے کب چشمِ نم نہیں تھی
کب آپکے لبوں پر روداد غم نہیں تھی
دنیا سے اب سفر ہے۔۔۔
نظروں میں پھر رہا تھا گزرا ہوا زمانہ
ہاے وہ جسم لاغر ہاے وہ تازیانے
ہاے وہ ظلم اعدا ہاے وہ قید خانے
دنیا سے اب سفر ہے۔۔۔
پیش نگاہ عابد بے داد اشقیاء تھی
شام و سحر زباں پر روداد کربلا تھی
مغموم زندگی تھی اور یاد کبریا تھا
دنیا سے اب سفر ہے۔۔۔
چالیس سال اپنے بابا کا غم منا کر
خود اپنے آنسوؤں کے شمعِ جلا جلا کر
اب مطمئن چلے ہیں غم سے نجات پا کر
دنیا سے اب سفر ہے۔۔۔
بعد حسین کیا کیا صدمے اٹھا کے آے
زندان میں بہن کی تربت بنا کے آے
کربوبلا میں اپنا سب کچھ لٹا کے آے
دنیا سے اب سفر ہے۔۔۔
یاد آ رہی تھی اکثر زینب کی بے ردائی
نظروں میں پھر رہا تھا کڑیل جوان بھای
تڑپا رہی تھی دل کو بے شیر کی جدائی
دنیا سے اب سفر ہے۔۔۔
نظروں میں پھر رہا تھا عاشور کا وہ منظر
عالم وہ بیکسی کا جلتا ہوا وہ بستر
ہاے وہ ریگ صحرا ہاے وہ لاش سرور
دنیا سے اب سفر ہے۔۔۔
لاشے پہ آیینگے جب بیکس امام باقر
دیکھیں گے جس گھڑی وہ بابا کا جسم لاغر
کس دل سے اے ظہیر اب کیسے بیاں ہو منظر
دنیا سے اب سفر ہے۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.