Ay shaam ke musafir
Noha Lyrics & Urdu Writeup on Imam Sajjad (a.s) recited by Mir Hasan Mir
اے شام کے مسافر منزل تیری کہاں ہے
زنجیر ہے بدن پر زخموں سے خوں رواں ہے
بے پردہ آج زینب دربار جا رہی ہے
سجاد پر خدایا یہ کیسا امتحاں ہے
اے شام کے مسافر۔۔۔
اے شہر بے وفا یہ ہے انقلاب کیسا
کوفے کی شاہزادی کوفے میں بے اماں ہے
اے شام کے مسافر۔۔۔
صد حیف کے مسلماں بیٹھے ہیں کرسیوں پر
جکڑا ہوا رسن میں بیمار سارباں ہے
اے شام کے مسافر۔۔۔
ہم گر گےء زمیں پر اماں بچاؤ ہم کو
اونٹوں سے گرنے والے بچوں کی یہ فغاں ہے
اے شام کے مسافر۔۔۔
میں شام کی مسافت طےء کر کے آ گیا ہوں
روضے پہ مصطفیٰ کے سجاد کا بیاں ہے
اے شام کے مسافر۔۔۔
زینب کی بے ردائی پہ چپ ہے کیوں زمانہ
اس وقت کلمہ گو کی انسانیت کہاں ہے
اے شام کے مسافر۔۔۔
چلتا رہے گا یوں ہی یہ قافلہ عزا کا
ہر گز نہ چھپ سکے گی یہ رن کی داستاں ہے
اے شام کے مسافر۔۔۔
ہے یہ دعا محب کی اس پر کرم ہو مالک
اولاد مصطفیٰ کا یہ میر نوحہ خواں ہے
اے شام کے مسافر۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.