Baghdad ki zameen pe
Noha Lyrics & Urdu Writeup on Imam Taqi (a.s) recited by Ashfaq Marchant
بغداد کی زمین پہ ماتم تقی کا ہے
زہرا جِگر فِگار ہیں وہ غم تقی کا ہے
بغداد کی زمین پہ۔۔۔
آج آ گئی قَضا کو بھی مولا حسن کی یاد
ٹکڑے جِگر ہوا وُ ہی عَالم تقی کا ہے
بغداد کی زمین پہ۔۔۔
ہر اک مُحِب ہے چاک گریباں بَصَد بُکا
ماتم کناں بدیدہ ء پُرنَم تقی کا ہے
بغداد کی زمین پہ۔۔۔
چھائی نقی کے سر پہ یتیمی کی اِک گَھٹا
ہے آج سوگوار جو ہَمدَم تقی کا ہے
بغداد کی زمین پہ۔۔۔
زخمی دِلِ بتول تھا امت کے ظُلم سے
اُس پر مزید درد یہ پیہَم تقی کا ہے
بغداد کی زمین پہ۔۔۔
تاریکیاں غموں کی زمانے پہ چھا گئیں
دنیا سیاہ پوش ہے ماتم تقی کا ہے
بغداد کی زمین پہ۔۔۔
ہوتی ہے اَشک بار اُجالوں کی اَنجُمَن
اُٹھتا جو آج نُورِ مُجسم تقی کا ہے
بغداد کی زمین پہ۔۔۔
مِثلِ رَضا غريبِ وطن تھے بِنِ رَضا
جب زہرِ معتصم سے رُکا دم تقی کا ہے
بغداد کی زمین پہ۔۔۔
صَد پاش دِل پہ خارِ مصائب کی ہے چُبھن
روتا ہے خوں جہاں میں جو مِحرَم تقی کا ہے
بغداد کی زمین پہ۔۔۔
مولا حسین ہو کہ اعزادار آئے ہیں
شیعوں یہ غم نہ حشر سے کچھ کم تقی کا ہے
بغداد کی زمین پہ۔۔۔
بُغضِ علی کے زہر کا کوئی نہیں علاج
برسا جو اَشکِ غم وَہی مَرہم تقی کا ہے
بغداد کی زمین پہ۔۔۔
اَز فرش تا بہ عَرش بپا مجلسیں ہیں آج
اہلِ وِلا میں درد مُقدَّم تقی کا ہے
بغداد کی زمین پہ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.