Zameene karbala mein
Noha Lyrics & Urdu Writeup on Karbala recited by Sachay Bhai
زمینِ کربلا میں دفن ہیں گُل پیرہن کتنے
تڑپ کر مر گئے سینے پہ اس کے خستہ تن کتنے
زمینِ کربلا میں۔۔۔
کوئی زینب سے پوچھے تو مصائب کس قدر جھیلے
اُٹھائے کربلا سے شام تک رنج و محن کتنے
زمینِ کربلا میں۔۔۔
رضائے شاہِ والا تھا ہر اک اقدام زینب کا
زمانے میں ہیں ایسے باوفا بھائی بہن کتنے
زمینِ کربلا میں۔۔۔
پسر زینب کے دونوں قاسم و اکبر علی اصغر
دیئے ہیں کربلا کو شاہِ دیں نے گُل بدن کتنے
زمینِ کربلا میں۔۔۔
فدا اسلام پر لاکھوں ہوئے تاریخ کہتی ہے
مگر ہیں کربلا والوں کے جیسے بے کفن کتنے
زمینِ کربلا میں۔۔۔
وہ جس میں قاسم و اکبر سے گُل اصغر سے ہوں غُنچے
خزاں لُوٹے ہیں تو نے سچ بتا ایسے چمن کتنے
زمینِ کربلا میں۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.