Zainab pukari ay
Noha Lyrics & Urdu Writeup on Karbala recited by Ghadeer Fatima
زینب پکاری اے میرے اکبر کہاں ہو تم
دشمن میں گھر گیا ہے برادر کہاں ہو تم
اعدا کا ایک ہجوم ہے میداں میں ہر طرف
نکلے تو کیسے خیمے سے باہر کہاں ہو تم
زینب پکاری اے میرے اکبر۔۔۔
خود کو گرا کے جھولے سے سوکھی زباں لیےء
جلتی زمیں پہ تڑپا ہے اصغر کہاں ہو تم
زینب پکاری اے میرے اکبر۔۔۔
بچوں کی چیخ سن کے دہلتا ہے کلیجہ
پر حول کربلا کا ہے منظر کہاں ہو تم
زینب پکاری اے میرے اکبر۔۔۔
بے مقنہ و چادر ہےاندھیروں کی ردا ہے
شمر لعیں نے چھین لی چادر کہاں ہو تم
زینب پکاری اے میرے اکبر۔۔۔
جن و ملک میں چار سو کہرام بپا ہے
چلتا ہے شاہ والا پہ خنجر کہاں ہو تم
زینب پکاری اے میرے اکبر۔۔۔
کیسے ہے امتی میرے نانا رسول کے
ہنستے ہیں مجھکو مار کے پتھر کہاں ہو تم
زینب پکاری اے میرے اکبر۔۔۔
اونٹوں پہ بے کجاوا بٹھاتے ہیں اشقیاء
کر کے اسیر ہم کو ستمگر کہاں ہو تم
زینب پکاری اے میرے اکبر۔۔۔
بھیا پہنا گےء تھے جو دختر کو پیار سے
چھنتے ہیں سکینہ کے وہ گوہر کہاں ہو تم
زینب پکاری اے میرے اکبر۔۔۔
سن لو خدا کے واسطے فریاد پھپھی کی
آواز دے رہی ہوں برادر کہاں ہو تم
زینب پکاری اے میرے اکبر۔۔۔
غازی بھی جا کے سو گےء نہر فرات پر
باقی بچا نہ کوئی بھی رہبر کہاں ہو تم
زینب پکاری اے میرے اکبر۔۔۔
ہوتی ہے ہر ایک سمت سے بس خوں کی بارش
کربوبلا کا سرخ ہے منظر کہاں ہو تم
زینب پکاری اے میرے اکبر۔۔۔
نیزوں سے جھڑکیوں سے طمانچوں سے ہر گھڑی
ہم کو ستا رہے ہیں ستمگر کہاں ہو تم
زینب پکاری اے میرے اکبر۔۔۔
زینب کے بین سن کے رضا اشک رواں ہے
دل رو رہا ہے نوحہ یہ لکھ کر کہاں ہو تم
زینب پکاری اے میرے اکبر۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.