Wahan pe rota hai
Noha Lyrics & Urdu Writeup on Karbala recited by Rizwan Zaidi
وہاں پہ روتا ہے خوں اب بھی آسمان حسین
جہاں پہ لوٹا گیا تیرا کاروان حسین
لگی تھی سینہِ اکبر پہ جس جگہ برچھی
جہاں پہ ڈوب گئی خون میں شبیہِ نبی
جہاں پہ قتل ہوا تیرا نوجوان حسین
وہاں پہ روتا ہے خوں۔۔۔
جہاں پہ پیاس سے بے شیر تیرا روتا رہا
جہاں پہ ننھے مجاہد کے تیر مارا گیا
جہاں پہ قطع ہوا تھا ترا بیان حسین
وہاں پہ روتا ہے خوں۔۔۔
جہاں ہوئے تھے ترے بھائی کے قلم بازو
جہاں کیا تھا علمدار نے لہو سے وضو
جہاں ہوا تھا ترا شیر نیم جان حسین
وہاں پہ روتا ہے خوں۔۔۔
جہاں پہ ٹکڑوں میں بکھرا ہوا تھا اِک دولہا
جہاں پہ سہرا پڑا کر رہا تھا واویلا
جہاں اُجڑ گیا کبریٰ کا کُل جہان حسین
وہاں پہ روتا ہے خوں۔۔۔
جہاں پہ ختم ہوا تھا حسین تیرا سفر
جہاں پہ خشک گلے پر ترے چلا خنجر
جہاں مٹایا گیا تھا ترا نشان حسین
وہاں پہ روتا ہے خوں۔۔۔
جہاں پہ کوئی نہ تھا آسرا غریبوں کا
جہاں پہ چھن گئی سیدانیوں کے سر سے ردا
جہاں تھا نوحہ کناں تیرا خاندان حسین
وہاں پہ روتا ہے خوں۔۔۔
جہاں پہ گوھرِؔ غم تشنہ لب تھے سہمے ہوئے
جہاں طمانچے لگے تھے تری سکینہ کے
ترے یتیم جہاں پر تھے بے امان حسین
وہاں پہ روتا ہے خوں۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.