Tu bekafan hai
Noha Lyrics & Urdu Writeup on Karbala recited by Farhan Ali Waris
رہ گیء دشت میں تنہا تو وطن یاد آیا
پانی پایا تو ہر ایک تشنہ دہن یاد آیا
لے کے ہر چیز مدینے سے چلی تھی زینب
بھائی کی لاش پہ پہنچا تو کفن یاد آیا
تو بے کفن ہے حسین بہن بے ردا ہے
آی تھی مدینے سے لے کر میں اپنا بھرا گھر بھائی
لوگوں نے میرا گھر لوٹ لیا بس پاس رہی تنہائی
یہاں تشنہ لب تو رہا ہے بہن بے ردا ہے
تو بے کفن ہے حسین۔۔۔
پانی سے تجھے محروم رکھا اور مجھکو تیرے ماتم سے
ٹکڑے ہے کلیجہ زینب کا اے بھائی فقط اس غم سے
سناں پر تیرا سر رکھا ہے بہن بے ردا ہے
تو بے کفن ہے حسین۔۔۔
تو میرے لئے فریاد کرے میں تیرے لئے اے بھائی
مظلوم مسافر تیری بہن باغی کی بہن کہلای
یہ غم اس ستم سے بڑا ہے بہن بے ردا ہے
تو بے کفن ہے حسین۔۔۔
لاشے سے تیرے آتی ہے صدا سنتی ہے بہن مانجاے
اے کاش کوئی تدبیر بنے اور زینب شام نہ جائے
اسیر رسن قافلہ ہے بہن بے ردا ہے
تو بے کفن ہے حسین۔۔۔
میں قیدی بنی اور شام چلی محمل نہ عماری آی
زینب کے لئے ہے سب سے بڑا غم تجھ سے بچھڑنا بھائی
تجھے یہ ہی غم کھا گیا ہے بہن بے ردا ہے
تو بے کفن ہے حسین۔۔۔
اماں کی صدا یہ آتی ہے کیوں لوٹ لیا پیاسے کو
سر تیرا بدن سے کاٹ لیا پامال کیا لاشے کو
قتیل جفا تو ہے بہن بے ردا ہے
تو بے کفن ہے حسین۔۔۔
ہے کاں سکینہ کے زخمی عابد کا مقدر بیڑی
نیزوں پہ شہیدوں کے سر ہے سادات بنے ہیں قیدی
ابھی شام کا مرحلہ ہے بہن بے ردا ہے
تو بے کفن ہے حسین۔۔۔
گھر تیرا قریب عصر لٹا میں شام الم میں اجڑی
خون تیرا بہا بے جرم و خطا ہمشیر اس غم میں اجڑی
تیرے خون سے یہ وفا ہے بہن بے ردا ہے
تو بے کفن ہے حسین۔۔۔
تا عمر پڑھیں گے یہ نوحہ فرحان اور مظہر روکر
زینب کے برادر کے مرقد پر ہم نے سنا ہے اکثر
شہ دیں کا یہ مرثیہ ہے بہن بے ردا ہے
تو بے کفن ہے حسین۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.