Rehti thi ye zainab
Noha Lyrics & Urdu Writeup on Karbala recited by Tableegh e Imamia
رہتی تھی یہ زینب کی صدا ارضِ کربلا
اے ارضِ کربلا
کیا تھی میرے بھائی کی خطا ارضِ کربلا
اے ارضِ کربلا
دو دن کے لیئے ہم تیرے مہمان ہوئے تھے
کیا مہماں نوازی کے یہ سامان ہوئے تھے
کیوں کنبہ میرا پیاسا رہا ارضِ کربلا
اے ارضِ کربلا
رہتی تھی یہ زینب کی ۔۔۔
میں اپنے برادر کو کہاں ڈھونڈنے جائوں
اپنے علی اکبر کو کہاں ڈھونڈنے جائوں
کنبہ میرا تاراج ہوا ارضِ کربلا
اے ارضِ کربلا
رہتی تھی یہ زینب کی ۔۔۔
بے دست ہوئے نہر پہ عباسِ دلاور
دُر بالی سکینہ کے چھنے اور میری چادر
لوٹا دے میرے سر کی ردا ارضِ کربلا
اے ارضِ کربلا
رہتی تھی یہ زینب کی ۔۔۔
بے شیر تڑپتا رہا بیتاب رہے ہم
سینے پہ تیرے نہر تھی بے آب رہے ہم
اصغر کے لگا تیرِ جفا ارضِ کربلا
اے ارضِ کربلا
رہتی تھی یہ زینب کی ۔۔۔
بھائی تیرے سینے پہ رگڑتا تھا ایڑیاں
سینے پہ سِناں کھا کے تڑپتا تھا نوجواں
جمبش نہ ہوئی تجھ کو ذرا ارضِ کربلا
اے ارضِ کربلا
رہتی تھی یہ زینب کی ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.