Momino sibte payambar
Noha Lyrics & Urdu Writeup on Karbala recited by Sajid Jafri
شہید کربلا حسین
قتیل نینوا حسین
مومنوں سبط پیمبر کا جنازہ لے چلو
قلب زہرا جان حیدر کا جنازہ لے چلو
بیکفن تشنہ دہن بیکس غریب آشوفتہ حال
کشتۂ شمشیر و خنجر کا جنازہ لے چلو
مومنوں سبط پیمبر۔۔۔
سید و معصوم و مہمان و شہ دنیا و دیں
بیکس و مغموم و مضطر کا جنازہ لے چلو
مومنوں سبط پیمبر۔۔۔
زینت مہر نبوت راکب دوش رسول
راحتِ جان پیمبر کا جنازہ لے چلو
مومنوں سبط پیمبر۔۔۔
فاطمہ زہرا نے چکی پیس کر پالا جسے
دلبر خاتون محشر کا جنازہ لے چلو
مومنوں سبط پیمبر۔۔۔
ظالموں نے قتل جس کو بے خطا رن میں کیا
اس شہ مظلوم و بے سر کا جنازہ لے چلو
مومنوں سبط پیمبر۔۔۔
امت عاصی کی بخشش میں جو کوشاں ہو گیا
اس شفیء روز محشر کا جنازہ لے چلو
مومنوں سبط پیمبر۔۔۔
کی عبادت جس نے خالق کی تہہ محراب تیغ
اس شہید راہ داور کا جنازہ لے چلو
مومنوں سبط پیمبر۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.