Khuda khair kare
Noha Lyrics & Urdu Writeup on Karbala recited by Mir Hasan Mir
بنت زہرا کا کھلا سر ہے خدا خیر کرے
اور ہرہاتھ میں پتھر ہے خدا خیر کرے
حر کے بیٹے پہ ہی شبیر بہت روئے تھے
اب تو لاشے علی اکبر ہے خدا خیر کرے
…بنت زہرا کا
مارتے ہیں وہاں نیزوں کو زمیں پر ظالم
دفن جس جا علی اصغر ہے خدا خیر کرے
…بنت زہرا کا
کچھ قدم دور کھڑی دیکھ رہی ہیں زینب
شمر کے ہاتھ میں خنجر ہے خدا خیر کرے
…بنت زہرا کا
چونک کر خواب سے کہتی تھی وطن میں صغرا
کسی مشکل میں میرا گھر ہے خدا خیر کرے
…بنت زہرا کا
پیچھے دیوار ہے اور جلتا ہوا در آگے
بیچ میں بنت پیمبر ہے خدا خیر کرے
…بنت زہرا کا
بے ردا جانا ہے زینب کو وہاں پر کہ جہاں
ہر کوئی دشمن حیدر ہے خدا خیر کرے
…بنت زہرا کا
ہے چھڑی ہاتھ میں ظالم کے لبوں پر ہے ہنسی
طشت میں شہ کا رکھا سر ہے خدا خیر کرے
…بنت زہرا کا
میر سجاد یہ شیریں نے کہا روتے ہوئے
کس کی نیزے پہ یہ چادر ہے خدا خیر کرے
…بنت زہرا کا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.