Zindan ki shaam
Noha Lyrics & Urdu Writeup on Shaam recited by Rizwan Zaidi
یاد سجاد کو آتی رہی زندان کی شام
عمر بھر خون رلاتی رہی زندان کی شام
جب تلک آتی رہی کانوں میں سسکی کی صدا
خاک زنداں میں اڑاتی رہی زندان کی شام
یاد سجاد کو آتی رہی۔۔۔
قید خانے میں بس اک شام قیامت گزری
پھر تو ہر شام ہی آتی رہی زندان کی شام
یاد سجاد کو آتی رہی۔۔۔
جیسے ظالم کے طمانچوں نے ستایا تھا اسے
یوں سکینہ کو ستاتی رہی زندان کی شام
یاد سجاد کو آتی رہی۔۔۔
غم سکینہ نے جو راہوں میں سہے کم تو نہ تھے
غم مگر اور بڑھاتی رہی زندان کی شام
یاد سجاد کو آتی رہی۔۔۔
شہ جسے لوری سناتے تھے اسی بچی کو
موت کی لوری سناتی رہی زندان کی شام
یاد سجاد کو آتی رہی۔۔۔
قبر معصومہ پہ زینب و سجاد کے ساتھ
سوگ ہر شام مناتی رہی زندان کی شام
یاد سجاد کو آتی رہی۔۔۔
غم میں عابد نے سہے شام کے بازاروں میں
سارے غم یاد دلاتی رہی زندان کی شام
یاد سجاد کو آتی رہی۔۔۔
یہ ہے عابد کو خبر یا ہے خبر زینب کو
وہ ستم کیا تھے جو ڈھاتی رہی زندان کی شام
یاد سجاد کو آتی رہی۔۔۔
مادر اصغر بے شیر کو اے نور علی
خواب میں آکے ڈراتی رہی زندان کی شام
یاد سجاد کو آتی رہی۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.