Karbala wale hussain
Noha Lyrics & Urdu Writeup on Karbala recited by Tableegh e Imamia
فاطمہ زہرا کے دلبر کربلا والے حُسین
کُشتہِ تیغِ ستم گر کربلا والے حُسین
ہائے کیا عالم ہوا ہو گا دلِ صد پاش کا
جب اُٹھائی لاشِ اکبر کربلا والے حُسین
فاطمہ زہرا کے دلبر۔۔۔
زندگی بھر ثانیِ زہرا کا نوحہ تھا یہی
تشنہ لب میرے برادر کربلا والے حُسین
فاطمہ زہرا کے دلبر۔۔۔
مُجھ سے بڑھ کر کون ہو گا اس زمانے میں غریب
بے کفن تم میں کھُلے سر کربلا والے حُسین
فاطمہ زہرا کے دلبر۔۔۔
گھر سے بے گھر ہو گئے نانا کا روضہ چھُٹ گیا
کیسا بگڑا ہے مُقدر کربلا والے حُسین
فاطمہ زہرا کے دلبر۔۔۔
قاسم و عون و محمد بھی گئے عباس بھی
اب نہ اصغر ہے نہ اکبر کربلا والے حُسین
فاطمہ زہرا کے دلبر۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.