Hussain ki dukh
Noha Lyrics & Urdu Writeup on Karbala recited by Mir Hasan Mir
حسین کی دکھ بھری کہانی
تمام دنیا سنا کرے گی
جو رو پڑے گا اسے جہاں میں
علی کی بیٹی دعا کرے گی
حسین کی لاش بے کفن سے
یہ کہہ کے زینب جدا ہوئی ہے
جو تیرے مقتل میں بچ گیا ہے
وہ کام میری ردا کرے گی
حسین کی دکھ بھری۔۔۔
حسین باقر سے کہہ رہے تھے
میری سکینہ کو ساتھ رکھنا
سفر کے ہر موڑ پر یہ بچی
تمہیں دلاسے دیا کرے گی
حسین کی دکھ بھری۔۔۔
عجیب ماں ہے کہ چھ مہینے
کا لال قربان کر رہی ہے
کبھی جو اصغر کی یاد آئی
رباب زنداں میں کیا کرے گی
حسین کی دکھ بھری۔۔۔
حسین وعدہ ہے یہ بہن کا
رہائی زنداں سے پائے گی جب
بہن تمہاری یزید کے گھر
تمہاری مجلس بپا کرے گی
حسین کی دکھ بھری۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.