Hamsheer ko chadar
Noha Lyrics & Urdu Writeup on Karbala recited by Raza Ali Khan
ہمشیر کو چادر ہے نہ بھای کو کفن ہے
شبیر سا بھای ہے نہ زینب سی بہن ہے
کس ظلم سے مارا گیا زہرا کا دلارا
سر نیزے پر اور ریت پہ مجروح بدن ہے
ہمشیر کو چادر ہے۔۔۔
جس کے لئے آتی رہی جنت سے قباییں
لاشہ اسی مظلوم کا محتاج کفن ہے
ہمشیر کو چادر ہے۔۔۔
بے دست ہوا نہر پر عباس دلاور
یوں زینب دلگیر کی ہاتھوں میں رسن ہے
ہمشیر کو چادر ہے۔۔۔
ٹکڑے ہوی میدان میں تصویر پیمبر
پیغمبرِ اِسلام کا صد پارہ بدن ہے
ہمشیر کو چادر ہے۔۔۔
اب کوئی نہیں ناز اٹھانے کو سکینہ
بس جور و جفا ظلم و ستم رنج و محن ہے
ہمشیر کو چادر ہے۔۔۔
بکھرا ہوا مقتل میں ہے اک رات کا دولہا
بیوہ جو بنی ہے وہی اک شب کی دولہن ہے
ہمشیر کو چادر ہے۔۔۔
پیاسا تھا دم قتل جو چھ ماہ کے سن میں
اصغر سا زمانے میں کوئی تشنہ دہن ہے
ہمشیر کو چادر ہے۔۔۔
مانجاے نے سر دے دیا مانجای نے چادر
ایثار محمد کے گھرانے کا چلن ہے
ہمشیر کو چادر ہے۔۔۔
کانوں کا لہو جس پہ ہے دروں کے نشاں ہیں
کرتہ وہی معصوم سکینہ کا کفن ہے
ہمشیر کو چادر ہے۔۔۔
آتی ہے در و بام سے رونے کی صداییں
جاوید بڑا درد بھرا تیرا سخن ہے
ہمشیر کو چادر ہے۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.