Ek karwan rota raha
Noha Lyrics & Urdu Writeup on Karbala recited by Ahsan Hussain
بے ردا بے آسرا اک کارواں روتا رہا
کارواں کیا کارواں کا سارباں روتا رہا
جب گری بالی سکینہ بے کجاوہ اونٹ سے
دیر تک اک سر سر نوکِ سِناں روتا رہا
بے ردا بے آسرا اک کارواں۔۔۔
اک پہر میں لٹ گیا پردیس میں زہرا کا چین
یہ سنا جس نے جہاں بس وہ وہاں روتا رہا
بے ردا بے آسرا اک کارواں۔۔۔
مسکرا کر جانے کیا رن میں کہا بے شیر نے
حرملہ تھامے ہوے تیر و کماں روتا رہا
بے ردا بے آسرا اک کارواں۔۔۔
دیکھ کر بے حال غم سے باپ کو وقت سحر
ام لیلیٰ کا پسر دے کر اذاں روتا رہا
بے ردا بے آسرا اک کارواں۔۔۔
خالی کوزے تشنہ لب بچوں کو تکتے دیکھ کر
دشت میں مشک و الم کا پاسباں روتا رہا
بے ردا بے آسرا اک کارواں۔۔۔
صبحِ عاشورہ سے لے کر عصر عاشورہ تلک
دیکھ کر رن کی زمیں کو آسماں روتا رہا
بے ردا بے آسرا اک کارواں۔۔۔
کشتیء دین خدا کا نہ خدا دل تھام کر
دیکھ کر اکبر کے سینے میں سناں روتا رہا
بے ردا بے آسرا اک کارواں۔۔۔
سر بریدہ بے کفن تیروں سے چھلنی لاش پر
عابد بیمار مضطر ناتواں روتا رہا
بے ردا بے آسرا اک کارواں۔۔۔
مجلسِ شبیر میں نوحہ سناتا ہے احسان
ارتضیٰ سن کر یہ غم کی داستاں روتا رہا
بے ردا بے آسرا اک کارواں۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.