Boli rabab dasht
Noha Lyrics & Urdu Writeup on Karbala recited by Ghadeer Fatima
بولی رباب دشت میں کیسا ہے یہ دیار
ارمان ہمارا دل کے ہوے سارے تار تار
بولی رباب دشت میں۔۔۔
سوکھے گلے جو پیاس سے بے چین ہے بہت
غازی کو یاد کرتے ہیں رو رو کے بار بار
بولی رباب دشت میں۔۔۔
دشتِ بلا میں کیسے سکوں پاے بی بیاں
ہر سوں کھڑی ہے جبر و تشدد کی اک خطار
بولی رباب دشت میں۔۔۔
ماؤں کے بین اور یہ بچوں کی سسکیاں
چھبتی ہے یوں کلیجے میں جیسے کہ نوک خار
بولی رباب دشت میں۔۔۔
تاریخ ہے گواہ کہ صدمے اٹھاے ہیں
جب جب کیا ہے امت عاصی پہ اعتبار
بولی رباب دشت میں۔۔۔
کرتے ہیں جا رہے ہیں ستم ہم پہ اشقیاء
شامل نہیں کسی کی طبیعت میں انکسار
بولی رباب دشت میں۔۔۔
جس نے جوان بیٹے کی میت اٹھای ہو
پھر اس ضعیف باپ کو کیسے ملے قرار
بولی رباب دشت میں۔۔۔
پامال ہو کے رہ گیء لیلیٰ کی حسرتیں
نیزہ ہوا جو سینۂ اکبر کے آر پار
بولی رباب دشت میں۔۔۔
کربوبلا کے دشت میں ہم سبکو گھیر کر
بے درد موت کرتی ہے اس ایک کا شکار
بولی رباب دشت میں۔۔۔
بچے دہل کے سو گےء گودی میں موت کی
جلتے قیام بن گےء ان کے لئے مزار
بولی رباب دشت میں۔۔۔
ہم کو یہ کس مقام پہ لے آی زندگی
کچھ غم پہ اپنا بس ہے نہ خوشیوں پہ اختیار
بولی رباب دشت میں۔۔۔
جس کو بھی دیکھو شاہ پہ روتا ہے اے رضا
کل کاینات ہے میرے مولا کی سوگوار
بولی رباب دشت میں۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.