Bhaiya ghareeb zainab

بھیا غریب زینب تیرا کفن نہ لائی لاشِ حُسین پر ہے زینب کی یہ دُہائی

مثلِ بتول حق سے محروم ہوں میں اب تک شبیر تیرے غم میں مغموم ہوں میں اب تک تڑپا رہی ہے مجھ کو عباس کی جُدائی بھیا غریب زینب ۔۔۔ اے میرے بھائی حُسین۔۔۔

افسوس کہ سکینہ نازوں سے جو پلی ہے جو تم کو یاد کر کے زنداں میں چل بسی ہے اُس کو ملی نہ بھیا زندان سے رہائی بھیا غریب زینب ۔۔۔۔۔ بھیا غریب زینب ۔۔۔ اے میرے بھائی حُسین۔۔۔ ہم پر ستم اے بھیا ڈھاتے رہے ستمگر سیدانیوں کے سر میں آتی تھی خاک اُڑ کر بازار کا وہ منظر زینب نہ بھول پائی بھیا غریب زینب ۔۔۔۔۔ بھیا غریب زینب ۔۔۔ اے میرے بھائی حُسین۔۔۔

بالوں سے منہ چھُپا کر بازار میں گئی تھی نرغے میں اشقیاء کے بے پردہ میں کھڑی تھی گزری ہے کیا بہن پر کیسے بتاؤں بھائی بھیا غریب زینب ۔۔۔ اے میرے بھائی حُسین۔۔۔

سجاد کے یہ سر پر دُشوار مرحلہ تھا زنجیر کو سنبھالے بیمار رو رہا تھا آلِ نبی کھُلے سر دربار میں جو آئی بھیا غریب زینب ۔۔۔ اے میرے بھائی حُسین۔۔۔

سب سے بڑی مصیبت کیاہے کسی نے پوچھا بیمار سر جھُکا کر روتے ہوئے یہ بولا بہنوں کا شام جانا زینب کی بے ردائی بھیا غریب زینب ۔۔۔ اے میرے بھائی حُسین۔۔۔

اس اک سانحے پر اکثر محب نے سوچا برباد ہو گیا جب آلِ نبی کا کنبہ بعدِ حسین کیونکر باقی رہی خدائی بھیا غریب زینب ۔۔۔ اے میرے بھائی حُسین۔۔۔