Ay musalman ye
Noha Lyrics & Urdu Writeup on Karbala recited by Rizwan Zaidi
اے مسلماں یہ بتا قتل پیاسا کیوں کیا
کیا تھی خطا شبیر کی
نہ کیا خوفِ خدا چھین لی سر سے ردا
کیوں وارثِ تطہیر کی
اے مسلماں یہ بتا۔۔۔
چل گیا سجدے میں خنجر فاطمہ کے لعل پر
جل گیا زہرا کا گھر
لٹ گئی بنتِ علی تو نے ہی بعد از نبی
اِس ظلم کی تدبیر کی
اے مسلماں یہ بتا۔۔۔
بے خطا اِن قیدیوں کی غم بھری یہ داستاں
سن کے روتا ہے جہاں
شام کے بازار میں عابدِ بیمار نے
تھی خون سے تحریر کی
اے مسلماں یہ بتا۔۔۔
مادرِ اصغر تمہاری زندگانی کا ثمر
مر گیا اسلام پر
ہم نہ بھولیں گے کبھی نوک نازک سے گلے میں
حرملا کے تیر کی
اے مسلماں یہ بتا۔۔۔
کربلا سے شام تک آلِ پیمبر بے اماں
تازیانے رسیاں
بلوے میں لایا گیا ہائے آلِ مصطفی
کی اِس طرح توقیر کی
اے مسلماں یہ بتا۔۔۔
کب تلک سہہ پاتی آخر جھڑکیاں اور سیلیاں
قید کی تنہائیاں
اِس قدر ڈھائی جفا قبر زنداں میں بنی ہے
دخترِ شبیر کی
اے مسلماں یہ بتا۔۔۔
ثانی زہرا برہنہ سر گئی بازار میں
اور بھرے دربار میں
محفلِ مئے خوار میں ملکہِ شرم و حیاکی
تو نے کیوں تشہیر کی
اے مسلماں یہ بتا۔۔۔
سن کے جس کو ہر گھڑی روتے ہیں سارے ماتمی
کرتے ہیں سینہ زنی
آرہی ہے شام سے اب بھی وہ آواز سرور
طوق اور زنجیر کی
اے مسلماں یہ بتا۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.