Ay kufiyo

غل مچاتے بے ادب وہ کوفیان بد زبان وحشتوں کے دایرے میں تھیں علی کی بیٹیاں ظالموں کے سامنے اور قاتلوں کے درمیاں چھوٹی دختر علی کی آ رہی تھی یہ صدا

نوحہ یہ تھا کلثوم کا اے کوفیان بے وفا اے کوفیان بے وفا اے ظالموں أہل جفا ہے تمہیں خبر تم ہو آشنا کس کا گھر لٹا کس کا خوں بہا ہاے تم نے یہ کیا کر دیا کس کو لوٹ کر گھر جلا دیا ہے زبانوں پر کلمۂ خدا پھر بھی سینوں میں دل ہے سنگ کا پھر بھی سینوں میں دل ہے سنگ کا ---اے کوفیان بے وفا

اس حسین کو قتل کر دیا جس کے پاس ہے مرضیء خدا دین جس کے گھر سرخرو ہوا جس حسین کا نانا مصطفیٰ جس حسین کا بابا مرتظی جس حسین کی ماں ہے سیدہ روبرو اگر ہوگا سامنا کیسے جاؤ گے پیش کبریا ---اے کوفیان بے وفا

ظلم کونسا ہم پہ نہ ہوا پھر بھی ہم رہے راضی بہ رضا بھائی کو میرے دھوکہ دیدیا ساتھ نہ دیا اکیلا کر دیا پہلے خط لکھے اور بلا لیا پھر غریب کا خوں بہا دیا مت زمین پر تم بنو خدا وقت ہے قریب ہوگا فیصلہ ---اے کوفیان بے وفا

اے کوفیوں ظلم ہو گیا آل مصطفیٰ سے مقابلہ عترت نبی ہم ہیں با خدا زیر آسماں سر کھلا ہوا باندھ کر ہمیں قید کر لیا اور پھر ہمیں باغی کہ دیا جس کے نانا سے دین حق ملا اس نواسے کو یہ صلہ ملا ---اے کوفیان بے وفا

وا مصیبتا یوں چمن لٹا گھیر کر ہمیں لاے کربلا بند ہم پہ پھر پانی کر دیا قتل کر دیا گھر کا گھر میرا سیدوں کے سر کر دیےء جدا ظلم کی ہوی ہم پہ انتہا تم پہ واے ہو ہاے کیا ہوا اجر مصطفیٰ یوں ادا کیا ---اے کوفیان بے وفا