Alwida hussain

قید ہو کر جو سوے شام چلی بنت علی پہنچ کر لاش برادر پہ بکا کرنے لگی تو میرے بالوں پہ خاک ڈال دے میں تیرے لاشے پہ خاک ڈال دوں تو مجھے ردا دے دے میں تجھے کفن دے دوں الوداع حسین الوداع

دشت میں تجھکو لعینوں نے کفن بھی نہ دیا چھین لی سر سے میرے ہاے ستمگر نے ردا نہ رہا کوئی مددگار سر دشتِ بلا تو رہا بیکفن میں اسیر محن میں ہوی بے ردا تو غریب الوطن تو میرے بالوں پہ۔۔۔

تیرا لاشہ ہوا پامال سر کربوبلا ہاے ٹکڑے ہوا زینب کا جگر واویلا آی بے ساختہ بھای میرے ہونٹوں پہ صدا یہ ستم کیا ہوا میرا گھر لٹ گیا کوئی یاور نہیں کیا کروں میں بھلا تو میرے بالوں پہ۔۔۔

میرے مظلوم برادر میں تجھے دیتی کفن ہاے پردیس میں مجبور ہوی تیری بہن یاد آتا ہے میرے بھائی مجھے میرا وطن درد سے چور ہوں غم سے رنجور ہوں امتحاں ہے میرا ہاے مجبور ہوں تو میرے بالوں پہ۔۔۔

جو میرے دل پہ گزرتی ہے بیاں کیسے کروں جو لگے زخم جگر پر وہ عیاں کیسے کروں میں بھلا صبر میرے تشنہ دہاں کیسے کروں خاک اڑاؤں گی میں غم اٹھاونگی میں کس طرح بے ردا شام جاؤں گی میں تو میرے بالوں پہ۔۔۔

یہ تیرا جسم نہیں خون میں تر ہے قرآں نوکِ نیزہ سے چھنی چادر تطہیر یہاں بے ردائی کا ہے احساس میرے دل پہ گراں میں کروں گی ادا جو میرا فرض ہے میرے بھائی مگر یہ میری عرض ہے تو میرے بالوں پہ۔۔۔

بنت زہرا پہ قیامت کی گھڑی ہے بھائی بیکفن رن میں تیری لاش پڑی ہے بھای اور بہن دشت میں بے آس کھڑی ہے بھای میں جگر تھام کر رہ گیء خاک پر اپنی ہمشیر پر ایک احسان کر تو میرے بالوں پہ۔۔۔

وقتِ رخصت یہ لعیں ہم پہ ستم ڈھاییں گے بر سر نوکِ سِناں تیرا یہ سر لاییں گے ے ردا مجھکو بھی بازار میں لے جاینگے تیرا دل روے گا زخم وہ پاؤں گی سوے بازار میں بے ردا جاؤں گی تو میرے بالوں پہ۔۔۔

کیا قیامت کا وہ منظر تھا ندیم و صفدر لاشہء شاہ تڑپتا تھا یہ نالے سن کر اور سر پیٹ کے کہتی رہی بنت حیدر الوداع خستہ تن الوداع بیکفن الوداع بے وطن الوداع پر محن تو میرے بالوں پہ۔۔۔