Tera mehman hoo

تیرا مہمان ہوں شیریں تیرا مہمان ہوں

تو مجھے جان نہ پائی یہ میں جانتا ہوں تو نہ پہچانے مگر میں تجھے پہچانتا ہوں تو خطاوار نہیں شیریں یہ میں جانتا ہوں تو نے اس حال میں کب پہلے مجھے دیکھا ہے با خدا جان لے مجھکو پہچان لے تیرا مہمان ہوں شیریں تیرا مہمان ہوں

میں سلامت رہوں مانی تھی یہ تو نے منت ہو گیء ختم زمانے سے یہ تیری زحمت گھر تیرے آج میں مہمان ہوا اس صورت سر میرا نوکِ سِناں جسم کربوبلا با خدا جان لے۔۔۔ تیرا مہمان ہوں۔۔۔

یاد شیریں تجھے وہ ہوگا زمانہ میرا ساتھ ساے کی طرح رہتا تھا نانا میرا کام جبریل کا تھا ناز اٹھانا میرا آج بے گور و کفن جسم ہے مقتل میں پڑا با خدا جان لے۔۔۔ تیرا مہمان ہوں۔۔۔

ٹکڑے ٹکڑے تھے پڑے رن میں جگر کے پارے لاش اکبر کی اٹھا لاے نہ ہمت ہارے حوصلہ دیکھ کے حیراں تھے فرشتے سارے ایک مہمان پہ کیا کیا نہ ہوے ظلم و جفا با خدا جان لے۔۔۔ تیرا مہمان ہوں۔۔۔

یا علی کہکے دی مقتل میں دہائی میں نے آستیں کہنیوں تک اپنی چڑھائی میں نے یوں سناں سینۂ اکبر سے نکالی میں نے سامنے نظروں کے فرزند نے دم توڑ دیا با خدا جان لے۔۔۔ تیرا مہمان ہوں۔۔۔

گھر تیرے آیا ہوں اس حال میں حیران نہ ہو میری مہمان نوازی میں پریشان نہ ہو بس دعا کر میرے جیسا کوئی مہمان نہ ہو ایسے عالم میں آے نہ کسی کو بھی قضا با خدا جان لے۔۔۔ تیرا مہمان ہوں۔۔۔

اشک خوں آج بھی آنکھوں سے رواں ہے میثم کیوں نہ ہو کرتی ہے خود فاطمہ زہرا ماتم خاک اڑاتے ہیں سر خلد رسول اکرم کیسا پر درد ہے خرشید یہ لکھا نوحہ با خدا جان لے۔۔۔ تیرا مہمان ہوں۔۔۔