Ghame sibte payambar
Noha Lyrics & Urdu Writeup on Moharram recited by Sachay Bhai
قبر میں داغ غمِ سبط ِ پیعمبر لے گئے
ہم اندھیرے میں چراغوں کا یہ لشکر لے گئے
پھر نہ دیکھے آسماں نے آج تک ایسے جری
کربلا میں چُن کے شِہ جیسے بہتر لے گئے
قبر میں داغ ۔۔۔
واہ رے قسمت نہ چھوٹا مر کے در شبیر کا
حقِ دابانی حبیب ابنِ مظاہر لے گئے
قبر میں داغ ۔۔۔
ایک دن کی تھی علمداریٔ شہ کربلا
حشر تک عہدہ یہ عباسِ دلاور لے گئے
قبر میں داغ ۔۔۔
ذوالفقارِ حیدری جب فرقِ مرحب پر چلی
اک نشانی ضرب کی جبریل کے پر لے گئے
قبر میں داغ ۔۔۔
بعدِ شِہ جب لُوٹنے آئے حرم کو اشقیائ
دُر سکینہ کے سرِ زینب سے چادر لے گئے
قبر میں داغ ۔۔۔
شاہ کہتے تھے کہ جینے کا مزہ جاتا رہا
زندگی کا لُطف عباسِ دلاور لے گئے
قبر میں داغ ۔۔۔
خون کے آنسو بہاتی ہی رہی بنتِ علی
اور نیزے پر لعین شبیر کا سر لے گئے
قبر میں داغ ۔۔۔
یاد جب بچے کی آتی تھی تو کہتی تھی رباب
ماں کے دل کا چین اپنے ساتھ اصغر لے گئے
قبر میں داغ ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.