Bosagahe ahmed
Noha Lyrics & Urdu Writeup on Moharram recited by Tableegh e Imamia
بوسہ گاہِ احمد پر شمشیر نظر آئی
یوں خوابِ خلیلی کی تعبیر نظر آئی
کیا حُر کی بصیرت تھی جس کو شبِ اسیاں میں
تقدیر بنانے کی تدبیر نظر آئی
بوسہ گاہِ احمد پر۔۔۔
اشکِ غمِ سرور کے آئینہِ روشن میں
جنت بھی ہمیں اپنی جاگیر نظر آئی
بوسہ گاہِ احمد پر ۔۔۔
جس خاک پہ سوئے ہیں زہرا کے جگر پارے
وہ خاک دو عالم کو اکسیر نظر آئی
بوسہ گاہِ احمد پر ۔۔۔
بچے کی طرف ظالم کیوں تیر چلایا ہے
معصوم کی کیا تجھ کو تقسیر نظر آئی
بوسہ گاہِ احمد پر ۔۔۔
اغیار بھی تو اُٹھے مُنہ پھیر کے راہوں میں
جب پائوں میں عابد کے زنجیر نظر آئی
بوسہ گاہِ احمد پر ۔۔۔
آنسُو غمِ سرور میں نکلے جو عروج اپنے
ہر اشک میں کوثر کے تصویر نظر آئی
بوسہ گاہِ احمد پر ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.