Ay nehre alqama
Noha Lyrics & Urdu Writeup on Pyaas recited by Nadeem Sarwar
اے نہر علقمہ
آج بھی اس بے کسی پر رو رہی ہے کربلا
علقمہ بہتی رہی اور قافلہ پیاسہ رہا
اے نہر علقمہ
پیاسہ تھا تیرے سامنے کنبہ رسول کا
اے نہر علقمہ
اے نہر علقمہ تیرا مہمان تھا حسین
کیوں تیرے پاس رہ کے بھی اس کو ملا نہ چین
تجھ سے ہے یہ گلہ اے نہر علقمہ
پیاسہ تھا تیرے سامنے۔۔۔
اے نہر علقمہ۔۔۔
خیمے تھے اہلِ بیت کے کتنے تیرے قریب
پیاسے ہی تیرے سامنے وہ مر گئے غریب
روتی تھی کربلا اے نہر علقمہ
پیاسہ تھا تیرے سامنے۔۔۔
اے نہر علقمہ۔۔۔
مشکیزہ جس کے ہاتھ میں تھا دوش پر علم
ساحل پہ تیرے آئے تھے عباس کے قدم
رتبہ تجھے ملا اے نہر علقمہ
پیاسہ تھا تیرے سامنے۔۔۔
اے نہر علقمہ۔۔۔
سوکھی پڑی تھی مشک سکینہ ترائی میں
دوبوند پانی کیا نہ تھا ساری خدائی میں
تو نے یہ کیا کیا اے نہر علقمہ
پیاسہ تھا تیرے سامنے۔۔۔
اے نہر علقمہ۔۔۔
اک بے کسی سی اہل حرم پر تمام تھی
کتنی اداس شام غریباں کی شام تھی
اے وا مصیبتا اے نہر علقمہ
پیاسہ تھا تیرے سامنے۔۔۔
اے نہر علقمہ۔۔۔
نوحوں میں ہےجو تذکرہ علقمہ ہلال
چاروں طرف ہے آج بھی اک ماتم ملال
جاری ہے یہ عزا اے نہر علقمہ
پیاسہ تھا تیرے سامنے۔۔۔
اے نہر علقمہ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.