Armaan reya ku baad Hussain jahan reya
Noha Lyrics & Urdu Writeup on Imam Hussain (a.s) recited by Nisar Party
ارمان رئیا ارمان رئیا کیوں بعد حُسین جہان ریا
مظلوم دا صدقہ صلے علیٰ ایمان رئیا قرآن ریا
کہیا زینب آساں توڑ دیو
چدراں دی ضمانت موڑ دیو
دکھیاری و بی بی و زینب دا
غازی نہ رہیا نہ مان رہیا
فرمایا حُر نُوں زینب نے
نہیں بُھلنے ویرا اے صدمے
افسوس کہ بُھکیاں پیاسیاں دا
دو گھڑیاں تُو مہمان ریا
کدی اکبر وار وکھایا چا
کدی اصغر نوں دفنایا چا
اکبر دی اذان توں پیشی تک
شاہ بچھڑے کردا دان رہیا
اے حال خلیل وی تکدے سن
نبی ذکریا آنسو کڈدے سن
شاہ سینیوں برچھی کڈدا رہیا
دم توڑدا پتر جوان رہیا
پئی روندی سی شرماندی سی
میں زینب ہاں فرماندی سی
زینب نہ پہچانی جاندی سی
دل صغرا دا حیران ریا
کسے قاری نمازی تکیا نہ
کسے تیر ستم دا ڈکیا نہ
وچ گودی پیو دی ہونٹاں تے
دودھ واتا پھیر زبان رہیا
کدی بانگ اکبر دی رُکنی نئیں
کدی پُھوڑی شاھ دی مُکنی نئیں
کدی ظلم کہانی رُکنی نئیں
اے زینب دا احسان ریا
سچ بات نثار نے بول دتی
پیاسے نے حقیقت کھول دتی
وچ گردناں دے قرآن ریا
پر دل وچ نہ ایمان ریا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.