Bazare shaam may

بازارِ شام میں دربارِ عام میں قیدی رہی نانا روتی رہی نانا دو تحفے لائی ہوں میں آپ کے لیے اک بھائی کا کُرتا اور بازوئوں کے نیل کر بلا سے شام تک بے مکنہ و چادر پُر خار راہوں پر چلتی رہی نانا بازارِ شام میں۔۔۔

کیا بے کسی بھری آئی وہ شامِ غم اسباب لُٹ گیا خیمے بھی جل گئے جس دم میرے سر سے چھینی گئی ردا عباس کو صدا دیتی رہی نانا بازارِ شام میں۔۔۔

بالوں کا تھا پردہ بازو میں ریسماں بالی سکینہ کا جکڑا ہوا گلا کرتے رہے اعدا جو سنگ باریاں ہر رنج و مصیبت سہتی رہی نانا بازارِ شام میں۔۔۔

سجاد ناتواں پہ ظلم کا طوفاں ہاتھوں میں ہتھکڑی پیروں میں بیڑیاں دُرّے لگاتے تھے ہر گام پہ اعدا اُس بے کسی پہ میں روتی رہی نانا بازارِ شام میں۔۔۔

بانو کا لاڈلا اصغر بھی چل بسا اکبر بھی چل بسا قاسم بھی چل بسا ماہِ بنی ہاشم غازی بھی چل بسا عاشور کو دن بھر لُٹتی رہی نانا بازارِ شام میں۔۔۔

کربل کے دشت میں یہ کیا ستم ہوا میں بے ردا رہی وہ بے کفن رہا تپتی زمیں پہ لاشہ پڑا رہا میں کچھ نہ کر سکی گھُٹتی رہی نانا بازارِ شام میں۔۔۔

زندانِ شام کا عالم عجب سا تھا دن میں تھی تیز دھوپ راتوں میں اوس تھی مائیں تڑپتی تھیں بچے بلکتے تھے ہر پل میں وہاں پہ مرتی رہی نانا بازارِ شام میں۔۔۔

احمد بڑی غمگین زینب کی داستان کانپ اُٹھتی لحد احمد کی اے حسن مشکل کا مرحلہ طے کر کے آئی ہوں بھائی کی موت پر روتی رہی نانا بازارِ شام میں۔۔۔