Mai ye nahi kehti

گھر سے جانے لگے شبیر تو صغرا نے کہا لے چلو مجھ کو بھی بیمار تمہیں دے گی دُعا ہو جانا خفا راہ میں گر روئے گی صغرا یاں نیند کب آتی ہے جو وہاں سوئے گی صغرا بابا بابا تنہائی سزا ہے مجھے ایسی نہ سزا دو

میں یہ نہیں کہتی کہ عماری میں بٹھا دو بابا بابا بابا مجھے فضہ کی سواری میں بٹھا دو

سب بیٹھیں سواری پہ میں پیدل ہی چلوں گی وعدہ ہے کسی کو کوئی تکلیف نہ دونگی بابا بابا اماں سے میں ہرگز نہ کہوں گی کہ دوا دو میں یہ نہیں کہتی کہ۔۔۔

پلکوں سے میں سایہ علی اصغر پہ کروں گی اماں کی سواری سے بہت دور رہوں گی بابا بابا ہاں کہہ کے میری زیست کے کچھ روز بڑھا دو میں یہ نہیں کہتی کہ۔۔۔

میں پانی پلاؤں گی سواری کو تمہاری بہلاونگی رستے میں سکینہ کو تمہاری بابا بابا جو کام کنیزوں کہ ہیں سب مجھ کو بتا دو میں یہ نہیں کہتی کہ۔۔۔

سب نظریں چُراتے ہیں کوئی دَم نہیں بھرتا سچ ہے کوئی مردے سے محبت نہیں کرتا بابا بابا توقیر میری یہ ہے تو مرنے کی دعا دو میں یہ نہیں کہتی کہ۔۔۔

کیا گزرے گی جب گھر سے چلے جایئں گے اکبر کیسے مجھے ہر بات میں یاد آیئں گے اکبر بابا بابا کب آیئں گے لینے مجھے بھیا یہ بتا دو میں یہ نہیں کہتی کہ۔۔۔

ہاں اپنی محبت کا میں اظہار تو کر لوں ٹھہرو علی اصغر کو ذرا پیار تو کر لوں بابا بابا ناقے سے جھلک ننھے مسافر کی دکھا دو میں یہ نہیں کہتی کہ۔۔۔

ریحان وہ بیمار یہ تھک ہار کہ بولی اے سرورِ ذیشان تمنا ہے میری بابا بابا جاتے ہو تو تربت میری تم خود ہی بنا دو میں یہ نہیں کہتی کہ۔۔۔