Amma lahoo luhan

اماں ہائے اماں

جانے لگا وطن سے جو کنبہ حسین کا نانا کی قبر سے ہوئے رخصت شہ ہدا بھائی کی قبر پہ پڑھا بھائی نے مرثیہ واں سے ہوا جو تربت زہرا کا سامنا ماں کی لحد پہ چل کے گئے گھنٹیوں حسین لپٹے ہیں ماں کی قبر سے کرتے ہوئے یہ بین

اماں ہائے اماں اماں ہائے اماں اماں لہو لہان چمن دیکھنے چلو زینب کے بازوؤں میں رسن دیکھنے چلو

جس میں میں اپنے گود کے پالوں کو روؤں گا اور خود بھی سر کٹا کے میں جس بن میں سوؤں گا اماں ہمارے ساتھ وہ بن دیکھنے چلو زینب کے بازوؤں میں۔۔۔ اماں لہو لہان چمن۔۔۔

قاسم کو میرے ایسے کریں گے وہ پائمال ٹکڑوں میں لیکے آئےگا چادر میں تیرا لال اماں وہ لاشِ ابن حسن دیکھنے چلو زینب کے بازوؤں میں۔۔۔ اماں لہو لہان چمن۔۔۔

نیزہ جہاں لگے گا میرے نو جوان کو تیرِ ستم لگے گا جہاں بے زبان کو رکھ کر کے ہاتھ دل پہ وہ رن دیکھنے چلو زینب کے بازوؤں میں۔۔۔ اماں لہو لہان چمن۔۔۔

خود آپ جس کے ناز اٹھاتی تھی رات دن پانی کا جام لاکے پلاتی تھی رات دن کربل میں اس کو تشنہ دہن دیکھنے چلو زینب کے بازوؤں میں۔۔۔ اماں لہو لہان چمن۔۔۔

گھوڑے پہ جب سنبھل نہ سکے گا تیرا حسین زخموں سے چور ہوکے گرے گا تیرا حسین تیروں پہ اپنے لال کا تن دیکھنے چلو زینب کے بازوؤں میں۔۔۔ اماں لہو لہان چمن۔۔۔

ظالم تیرے حسین پہ ڈھائیں گے سختیاں اماں یہ توڑ ڈالیں گے میری بھی پسلیاں ٹکڑوں میں میرا سارا بدن دیکھنے چلو زینب کے بازوؤں میں۔۔۔ اماں لہو لہان چمن۔۔۔

روکر علی یہ شاہ نے کی ماں سے التجا اڑ اڑ کے میرے سوگ میں وہ خاکِ کربلا کیسے بنے گی میرا کفن دیکھنے چلو زینب کے بازوؤں میں۔۔۔ اماں لہو لہان چمن۔۔۔

اماں ہائے اماں اماں میری اماں

خیموں میں آکے آگ لگائیں گے اشقیا قیدی میری بہن کو بنائیں گے اشقیا زینب کو میرے بعد ستائیں گے اشقیا چادر بھی چھین لینگے رولائیں اشقیا ظالم نبی کی آل کو در در پھرائیں گے پیدل چلا کے شام تلک لے کے جائیں گے

اماں لہو لہان چمن دیکھنے چلو زینب کے بازوؤں میں رسن دیکھنے چلو