Tera sehra na dekha

جواں کی لاش پہ یہ بین کرتی رہ گیء مادر تیرا سہرا نہ دیکھا تیرا سہرا نہ دیکھا

میری آنکھوں کے تارے اے میرے پیارے علی اکبر تیرا سہرا نہ دیکھا تیرا سہرا نہ دیکھا

دل مادر میں اٹھارہ برس سے یہ تمنا تھی میں اپنے ہاتھوں سے ایک دن تجھے دولہا بناؤں گی تیری دلہن کو میں اپنے کلیجے سے لگاؤں گی جو منت مانی ہے میں نے وہ سب منت بڑھاؤں گی مگر کیا تھی خبر روؤں گی میں تیرے جنازے پر تیرا سہرا نہ دیکھا۔۔۔

بڑے ارمان تھے دل میں بہت کچھ میں نے سوچا تھا بلاییں لے کے آنکھوں سے لگاؤں گی تیرا سہرا تیری بارات جب گھر سے چلے گی اے میرے بیٹا تو میں عباس سے کہہ دونگی پرچم کا کرے سایہ مگر نہ جانے کس نے بد نظر ڈالی تیرے اوپر تیرا سہرا نہ دیکھا۔۔۔

مجھے پردیس میں تقدیر نے یہ دن بھی دکھلایا میں زندہ رہ گیء اور مر گیا کڑیل جواں بیٹا میرے آنکھوں سے اے اکبر دکھای کچھ نہیں دیتا میں دیکھوں بھی تو کیسے دیکھوں تیرا چاند سا چہرہ ارے ٹوٹا ہے غم کا آسماں دکھیاری مادر پر تیرا سہرا نہ دیکھا۔۔۔

کلیجے پھٹ گیا مادر کا اس دم اے میرے جانی سنا جس دم کی تم کو مرتے دم بھی نہ ملا پانی بڑے بے رحم ہے کربوبلا میں ظلم کے بانی کسی نے ہاے تصویر محمد بھی نہ پہچانی چلایا ظالموں نے ہاے میرے قلب پہ خنجر تیرا سہرا نہ دیکھا۔۔۔

جواں فرزند سے ماں باپ کو خالق نہ چھڑواے یہ منزل وہ ہے کی دشمن کی آنکھوں میں بھی اشک آے کسی کا نوجواں بیٹا سناں سینے پہ نہ کھاے ضعیفی میں جواں بیٹے کی میت باپ نہ لاے ہمیں قسمت نے دکھلایا قیامت خیز یہ منظر تیرا سہرا نہ دیکھا۔۔۔

پدر کی بیکسی اے لال دیکھو تو زرا اٹھ کر جھکائے سر بلک کر رو رہے ہیں سبط پیغمبر سہارا کون دے کر نہیں اب مونس و یاور چچا عباس بھی ہوتے تو بازو تھامتے آ کر تیرے بابا بہت روتے ہیں اے بیٹا یہی کہہ کر تیرا سہرا نہ دیکھا۔۔۔

جواں کی لاش پہ وایض یہی مادر کا نوحہ تھا مجھے پردیس میں لا کر میری تقدیر نے لوٹا میرے ارمان مٹی میں ملے اجڑی میری دنیا تیری شادی کی حسرت تھی مگر دیکھا تیرا لاشہ یہ غم سہنے سے پہلے مر گیء ہوتی تیری مادر تیرا سہرا نہ دیکھا۔۔۔