Zarre ko sheh ne
Noha Lyrics & Urdu Writeup on General recited by Sachay Bhai
ذرے کو شِہ نے مہرِ درخشاں بنا دیا
حُر کی خطائیں بخش کے سلماں بنا دیا
قرآن کو سمیٹ کہ نقطے کی شکل میں
حق نے علی کو مرقدِ ایماں بنا دیا
ذرے کو شِہ نے ۔۔۔
ہم تو علی کو عینِ خُدا کہہ کہ رہ گئے
توبہ نُصیریوں نے تو یزداں بنا دیا
ذرے کو شِہ نے ۔۔۔
کم ہے یہ کارنامہِ دورِ امیرِ شام
ایماں کو کفر کفر کو ایماں بنا دیا
ذرے کو شِہ نے ۔۔۔
کافر بنا دیا ابو طالب سے شخص کو
سُفیان سے لعیں کو مسلماں بنا دیا
ذرے کو شِہ نے ۔۔۔
گھر کو لُٹا کہ مانیئے ذبح عظیم نے
سُفیانیت کو بے سرو ساماں بنا دیا
ذرے کو شِہ نے ۔۔۔
پہچان ہر زمانے میں شمر و یزید کی
کتنا حُسینیت نے ہے آساں بنا دیا
ذرے کو شِہ نے ۔۔۔
شِہ نے لہو سے سینچ کہ اسلام کا شجر
اُجڑے ہوئے چمن کو گُلستاں بنا دیا
ذرے کو شِہ نے۔۔۔
اصغر کی موت نے علی اکبر کی موت نے
بانو کے دل کو خانہِ ویراں بنا دیا
ذرے کو شِہ نے ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.