Shabbir se mohabbat
Noha Lyrics & Urdu Writeup on General recited by Sachay Bhai
شبیر سے محبت ہے مجھ کو
عشقِ شبیر میری دولت ہے
مجھ کو شبیر سے ۔۔۔
سارا عالم بنا ہوا ہے یزید
ایک شبیر کی ضرورت ہے
مجھ کو شبیر سے ۔۔۔
ابو طالب پہ کُفر کا الزام
یہ فقط جذبہِ رقابت ہے
مجھ کو شبیر سے ۔۔۔
دینِ حق میں ملوکیت کا شمول
نسلِ سفیان کی شرارت ہے
مجھ کو شبیر سے ۔۔۔
کر گئی پھر حبیب شِہ کو جوان
کتنی معجز نما محبت ہے
مجھ کو شبیر سے ۔۔۔
اس کو نیزہ نہ ما ابنِ انس
تیری زد پر نبی کی صورت ہے
مجھ کو شبیر سے ۔۔۔
کیسے اُٹھے گی لاش اکبر کی
باپ بوڑھا جواں کی میت ہے
مجھ کو شبیر سے ۔۔۔
رکھ لی ٹوٹی کمر پہ لاشِ جوان
شاہِ دین آپ ہی کی ہمت ہے
مجھ کو شبیر سے ۔۔۔
رن سے آتی ہے لاش اکبر کی
خیمہِ شِہ میں قیامت ہے
مجھ کو شبیر سے ۔۔۔
آ رہی ہے چچا چچا کی صدا
قید خانے میں کس کی تُربت ہے
مجھ کو شبیر سے ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.