Riwayate mukhtar

اے رونے والوں ہے یہ روایات میں لکھا جس دم قیام کوفے میں مختار نے کیا جو بھی تھے قاتلان شہیدانِ کربلا ارے ان میں سے کوئی جب بھی گرفتار ہوتا تھا حکم امیر پر وہ ستم جب سناتا تھا مختار سر کو پیٹ کے بس روتا جاتا تھا

اک روز تھا یہ کوفے کے دربار کا سماں ابنِ نمیر اپنے ستم کرتا تھا بیاں توڑی تھی میں نے سینۂ اکبر میں خود سناں اٹھتا تھا شور خیموں سے مارا گیا جواں ماں جیتے جی گزر گئی زینب بھی مر گئی اک برچھی میری کتنے جگر پار کر گئی

اک روز کرکے لایا گیا حرملہ اسیر بولا وہ رن میں میں نے چلائے تھے تین تیر اس وقت پہلا تیر چلایا تھا اے امیر بھر کر چلا جو مشک کو مظلوم کا سفیر مشکیزے سے جو تیر میرا پار ہو گیا ایسا لگا کہ قتل علمدار ہو گیا

بولا لعیں یہ کرب کا ہے دوسرا مقام لائے جو اپنی گود میں بے شیر کو امام سوکھی زباں پھراتا تھا ہونٹوں پہ تشنہ کام یوں قطع ابنِ زہرا کا میں نے کیا کلام ہل ہل گیا لحد میں جگر بوتراب کا ارے مقتل میں نحر ہو گیا بچہ رباب کا

دربار میں یہ سن کے قیامت کا تھا سماں ارے پیر و جوان روتے تھے لے لے کے ہچکیاں بولا یہ حرملہ ابھی باقی ہے داستاں جس دم تیرا حسین تھا تیروں کے درمیاں وہ تیر آخری تھا جو میں نے چلایا تھا ارے اس تیر نے حسین کو زیں سے گرایا تھا

پھر شور وا حسینا کا اٹھتا تھا بار بار جب قید کر کے لایا گیا شمر بد شعار بولا وہ میرے ہاتھ میں خنجر تھا تیز دھار جس سے کئے حسین کی گردن پہ تیرہ وار خنجر رواں تھا حلق پہ ابنِ بتول کے دل کٹ رہے تھے ساتھ میں آل رسول کے

اب اس کے بعد میر تکلم بیاں ہو کیا اے پرسہ داروں سوچنا دل میں کبھی ذرا کیوں اتنا وقت قاتل شبیر کو لگا کس واسطے حسین کا کٹتا نہ تھا گلا محشر میں یہ کھلے گا ستم کائنات پر خنجر کے کچھ نشان ہے زہرا کے ہاتھ پر