Mazloome karbala tak
Noha Lyrics & Urdu Writeup on General recited by Mirza Sikander Ali
مظلومِ کربلا تک میرا سلام لے جا
کربلا کو جانے والے غربت اُٹھانے والے
مظلوم تک رسائی قسمت سے پانے والے
اس کُشتئہ جفا تک میرا سلام لے جا
مظلومِ کربلا تک۔۔۔
گھر جس نے سب لُٹایا پیاسا گلا کٹایا
وہ شاہ جس نے مر کر نانا کا دیں بچایا
اُس سبطِ مصطفیٰ تک میرا سلام لے جا
مظلومِ کربلا تک۔۔۔
وہ نورِ چشمِ حیدر وہ فاطمہ کا دلبر
وہ جسم و جانِ احمد بھائی تھا جس کا شبر
اس پیکرِ رضا تک میرا سلام لے جا
مظلومِ کربلا تک۔۔۔
ہاتھوں پہ شہہ کے آیا پانی نہ جس نے پایا
پانی کے بدلے جس پر تیرِ جفا چلایا
شش ماہے مہلکا تک میرا سلام لے جا
مظلومِ کربلا تک۔۔۔
رن میں گرا جو اکبر شکوہ نہ لایا لب پر
سہ سہ کے سخت ایذا جاں دے دی جس نے آخر
ہمشکلِ مصطفیٰ تک میرا سلام لے جا
مظلومِ کربلا تک۔۔۔
سہ سہ کے جس نے آفت دیں کی بچائی عزت
خطروں میں جس نے پیہم کی دین کی حمایت
اس آلِ مصطفیٰ تک میرا سلام لے جا
مظلومِ کربلا تک۔۔۔
شبیر کا برادر عباس ابنِ حیدر
جو تھا امیرِ لشکر جسکا وفا تھا زیور
اُس پیکرِ صفا تک میرا سلام لے جا
مظلومِ کربلا تک۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.