Ab to Ajao shehanshah e wafa

رو رو کہتی تھی سکینہؑ رن میں لٹ گئی ثانیٔ زہراؑ کی ردا اب تو آجاؤ شہنشاہ وفا شمر نے مارے طمانچے ہیں میرے گالوں پہ جھڑکیاں دے کے اُٹھایا ہے مجھے بابا کی لاش پہ رونے نہ دیا اب تو آجاؤ ۔۔۔ چھین کر سب کی ردائیں ہیں جلائے خیمے ایسے لوٹا ہے مسلمانوں نے نہ کیا آلِ محمدؐ کا حیا اب تو آجاؤ ۔۔۔۔ تم کو عبّاسؑ کی طاقت پہ بھروسہ تھا بہت قید ہونے سے بچائے تم کو آ کے یہ شمر نے زینبؑ سے کہا اب تو آجاؤ ۔۔۔ شام جانے کیلئے قافلہ تیار ہے جو اُن میں ایک رات کی بیاہی ہے کھڑی ہاتھ سے اُترا نہیں ہے رنگِ حنا اب تو آجاؤ۔۔۔ توڑ دی مار کے اکبرؑ کے جگر میں برچھی اور ستمگر نے کہا مولاؑ سے یہ سُنا ہے کہ تو صابر ہے بڑا اب تو آجاؤ ۔۔۔ صاحب العصرؑ یہ الفاظ ادا کرتے ہیں کوئی خوبی یہ نہیں اخترؔ کی اس کے نوحوں میں ہے زہراؑ کی دعا اب تو آجاؤ ۔۔۔