Jab ada khanjar talay
Noha Lyrics & Urdu Writeup on General recited by Sachay Bhai
جب ادا خنجر تلے شبیر کا سجدہ ہوا
کربلا کا دشت اہل ظرف کا کعبہ ہوا
مصطفیٰ کے بعد حق فاطمہ چھینا گیا
مال و دولت کے لئے اسلام کا سودا ہوا
جب ادا خنجر تلے۔۔۔
ہم غلامان علی کثرت سے گھبراتے نہیں
ہے ہمارے قلب پر ناد علی لکھا ہوا
جب ادا خنجر تلے۔۔۔
صرف ماتم کی صدا اور ماتم شبیر سے
دشمن آل نبی ہے آج تک سہما ہوا
جب ادا خنجر تلے۔۔۔
اور کتنے غم اٹھانے ہیں ابھی شبیر کو
لاشہء قاسم ہے رن میں خاک پر بکھرا ہوا
جب ادا خنجر تلے۔۔۔
خوف کر اے شمر زینب دیکھ کر مر جاۓ گی
کند خنجر گردن شبیر پر چلتا ہوا
جب ادا خنجر تلے۔۔۔
یوں بندھے ہاتھوں پہ ہو شام و سحر لاکھوں سلام
چاک دل ہاتھوں سے کفر و شرک کا پردہ ہوا
جب ادا خنجر تلے۔۔۔
اے محب خون جگر اشکوں میں ڈھل جانے کے بعد
یاد پیاسوں کو کیا جس وقت یہ نوحہ ہوا
جب ادا خنجر تلے۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.