Har durood aur har
Noha Lyrics & Urdu Writeup on General recited by Sachay Bhai
ہر درود اور ہر سلام
مادرِ حُسین تیرے نام
زوجہِ علیءِ سر بلند
فاطمہ عظیم ارجُمند
جس کے آستانِ پاک کے
قُدسیانِ عرش ہیں غلام
ہر درود اور ۔۔۔
ہے وہ فاطمہ وہ فاطمہ
آرزوئے قلبِ مُصطفٰی
جس کے لاڈلے حسن حُسین
جس کی بیٹیاں فلک مقام
ہر درود اور ۔۔۔
کٹ رہا تھا حلق شاہِ دیں
چل رہا تھا خنجرِ لعیں
بی بی آپ دیکھتی رہیں
لٹ گئے حرم جلے خیام
ہر درود اور ۔۔۔
ہر درود اور سلام
خواہرِ حُسین تیرے نام
ثانیِ جنابِ سیدہ
اللہ اللہ تیرا حوصلہ
خوب کی حفاظتِ حرم
بعدِ قتلِ سیدِ انام
ہر درود اور ۔۔۔
بی بی غم اُٹھائے ہیں بہت
دل پہ داغ کھائے ہیں بہت
تُجھ پہ اے حُسین کی بہن
ہو گئیں مصیبتیں تمام
ہر درود اور ۔۔۔
کربلا میں اپنے دلرُبا
کر دیئے حُسین پر فدا
عون اور محمدِ جری
ہو گئے شہیدِ تشنہ کام
ہر درود اور ۔۔۔
دولتِ بتول لُٹ گئی
دُخترِ رسول لُٹ گئی
چھن گئیں سروں سے چادریں
جل گئے حُسین کے خیام
ہر درود اور ۔۔۔
مَیتیں پڑی ہیں بے کفن
کیا کرے حُسین کی بہن
بے کسی اور ایسی بے کسی
شام اور کربلا کی شام
ہر درود اور ۔۔۔
انقلابِ وقت دیکھیے
امتحانِ سخت دیکھیے
سر کُھلے رسول زادیاں
اور اہلِ شر کا اژدہام
ہر درود اور ۔۔۔
ہر درود اور سلام
دُخترِ حُسین تیرے نام
شمر کبریاء کا واسطہ
تُجھ کو مُصطفٰی کا واسطہ
بنتِ شاہ کے گوہر نہ چھین
مبتلائے غم ہے تشنہ کام
ہر درود اور ۔۔۔
شمر کے طمانچے کھائے ہیں
بی بی کتنے غم اُٹھائے ہیں
باپ کی جُدائی کم نہ تھی
تُجھ پہ قید کے ستم مدام
ہر درود اور ۔۔۔
بی بی آپ پر ستم ہوئے
مر گئیں پدر کا غم لیئے
ہائے جیتے جی نہ چُھٹ سکا
قید خانہءِ امیرِ شام
ہر درود اور ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.